Dinamalar

ஜேசன் சஞ்சய்க்கும் சந்தீப் கிஷன் ராசி ஒர்க் அவுட் ஆகுமா ?

பெரும்பாலும் சினிமாவில் நடிகர்களின் மகன்கள் நடிகர்களாக மாறும் வரிசையில் நடிகர் விஜய்யின் மகன் ஜேசன் சஞ்சய் மட்டும் தனது தாத்தா வழியில் டைரக்ஷன் துறையை தேர்ந்தெடுத்துள்ளார். இதற்காக வெளிநாட்டுக்கு எல்லாம் சென்று படித்து வந்துள்ளார். வீட்டிலேயே ஒரு ஹீரோ இருந்தாலும் கூட படிப்படியாக தான் முன்னேற வேண்டும் என்று நினைத்த ஜேசன் சஞ்சய்க்கு முதல் படம் இயக்கும் வாய்ப்பை கொடுத்தது லைக்கா நிறுவனம். கடந்த ஒரு வருடமாகவே இது வெறும் அறிவிப்பாக மட்டும் இருந்த நிலையில் தற்போது இந்த படத்தில் ஹீரோவாக சந்தீப் கிஷன் நடிக்கிறார் என்றும் மற்றும் தமன் இசையமைக்கிறார் என்பது உள்ளிட்ட தொழில்நுட்ப கலைஞர்கள் விவரமும் அறிவிக்கப்பட்டுள்ளது.

நடிகர் விஜய்யின் மகன் என்பதால் அந்த செல்வாக்கை பயன்படுத்தி பெரிய ஹீரோக்களை தேடிப் போவார் என நினைத்தபோது அவர் சந்தீப் கிஷனை தேர்ந்தெடுத்தது ஆச்சரியம் தான். அதே சமயம் இன்று தமிழ் சினிமாவில் முதல் மூன்று இடங்களில் உள்ள இயக்குனர்களில் ஒருவராக, அனைத்து ஹீரோக்களாலும் விரும்பப்படும் இயக்குனராக இருப்பவர் லோகேஷ் கனகராஜ். தான் முதலில் இயக்குனராக அறிமுகம் ஆகிய மாநகரம் படத்தில் சந்தீப் கிஷனை கதாநாயகனாக வைத்து தான் படம் இயக்கினார். அந்த வகையில் தற்போது ஜேசன் சஞ்சையும் தனது முதல் படத்திற்கு சந்தீப்பை தேர்ந்தெடுத்து இருப்பதால் லோகேஷ் கனகராஜுக்கு ஒர்க் அவுட் ஆன ராசி இவருக்கும் வொர்க் அவுட் ஆகுமா என பொறுத்திருந்து பார்ப்போம்.

• செய்திகள்
• ஆல்பம்
• வந்த படங்கள்

• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது
• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்

• 
  ஹரி ஹர வீரமல்லுவுக்காக 5 ஆண்டுகள் வேறு படங்களில் நடிக்காத நிதி அகர்வால்
• 
  மோசடி வழக்கை சட்டப்படி சந்திப்பேன் : சாம் சி.எஸ்
• 
  பூமிகா ஆசை நிறைவேறுமா?
• 
  ஜெயிலர் 2வில் மோகன்லால் இருக்கிறாரா?
• 
  விஜய் தரப்பின் பிரஷரால் வேகம் எடுக்கும் 'ஜனநாயகன்'