Dinamalar

மத உணர்வுகளை புண்படுத்துவதாக கூறி கேரள தியேட்டர்களில் இருந்து தூக்கப்பட்ட துல்கர் நண்பரின் படம்

மலையாளத்தில் கடந்த நவம்பர் 22ம் தேதி 'டர்க்கீஸ் தர்க்கம்' என்கிற பெயரில் ஒரு திரைப்படம் வெளியானது. துல்கர் சல்மானின் நண்பரும் அவருடன் இணைந்து திரையுலகில் அறிமுகமாகி பல படங்களில் அவருடன் இணைந்து நடித்தவருமான நடிகர் சன்னி வெய்ன் இந்த படத்தில் கதாநாயகனாக நடித்துள்ளார். இவர் ராஜூ முருகன் இயக்கிய 'ஜிப்ஸி' படத்தில் வில்லனாகவும் நடித்துள்ளார்.

டர்க்கீஸ் மசூதியில் எரிக்கப்பட்ட ஒரு பிரேதம் ஒன்றை மையப்படுத்தியும் அதை சுற்றி நடக்கும் பிரச்னைகளையும் வைத்து இந்த படத்தின் கதை உருவாகி இருப்பதாக சொல்லப்படுகிறது. இது குறிப்பிட்ட ஒரு மதத்தினரை புண்படுத்தும் விதமாக திட்டமிட்டு எடுக்கப்பட்டுள்ளது என்று கூறி ஒரு தகவல் கேரளாவில் வேகமாக பரவியது. இத்தனைக்கும் இந்த படத்தை நமாஸ் சுல்தான் என்கிற இஸ்லாமியர் தான் இயக்கியுள்ளார்.

இதனை தொடர்ந்து ஆங்காங்கே எழுந்த எதிர்ப்பால் கேரளாவில் இந்த படம் வெளியாகி ஒரு வாரம் கூட ஆகாத நிலையில் திரையிடப்பட்ட அனைத்து திரையரங்குகளில் இருந்தும் தூக்கப்பட்டுள்ளது. அதேசமயம் இந்த படத்தின் தயாரிப்பாளர் தரப்பில் இது குறித்து கூறும்போது, ''இந்த படத்திற்கு எதிராக ஒரு சில கும்பல் வேண்டும் என்றே திட்டமிட்டு தவறான தகவல்களை பரப்பி வருகின்றனர். சர்ச்சையான எந்த கருத்துக்களையும் இந்த படத்தில் நாங்கள் சொல்லவில்லை. அதேசமயம் மக்கள் இந்த படத்தில் எந்தவித சர்ச்சை கருத்துக்களும் இல்லை என்று புரிந்து கொள்ளும்போது மீண்டும் இந்த படத்தை திரையரங்குகளில் ரீ ரிலீஸ் செய்வோம்,'' என்றும் கூறியுள்ளனர்.

• வந்த படங்கள்

• 
  உயிரோடு இருப்பேனா என அச்சம் ஏற்பட்டது ; லாஸ் ஏஞ்சல்ஸ் தீ விபத்தில் ...
• 
  ஹிந்தியில் எதிர்பார்த்ததை விட அதிகமாக வசூலித்த ‛கேம் சேஞ்ஜர்'
• 
  பாலிவுட்டின் மகா ஆரோக்கிய கேம்ப் அறிமுக விழாவில் விந்து தாரா சிங், பூனம் ...
• 
  பூச்சிக் கொல்லி மருந்து நிறுவனங்களின் மறுபக்கத்தை காட்டும் காஜல் ...
• 
  'எமர்ஜென்சி' படம் பார்க்க பிரியங்காவுக்கு கங்கனா அழைப்பு

• 
  நடிகை ஹனிராஸ் மீது அவதூறு பரப்பிய மீடியா ஆர்வலருக்கு ஜாமீன் மறுப்பு
• 
  அகண்டா 2ம் பாகம் படப்பிடிப்பு இன்று துவங்கியது!
• 
  ராம் பொத்தினேனி படத்தில் மோகன்லால்?
• 
  நடிகை ஹனிரோஸ் மீதான சர்ச்சை கருத்து.. முன்ஜாமின் விண்ணப்பித்த மீடியா ...
• 
  'கேம் சேஞ்ஜர்' படத்திற்குப் போட்டியாக 'டாகு மகாராஜ், சங்கராந்திகி ...