Dinamalar

35 வருடங்களுக்குப் பிறகு மீண்டும் இதயத்தை திருட வரும் நடிகை

1989ல் தெலுங்கில் மணிரத்னம் இயக்கத்தில் வெளியான கீதாஞ்சலி படத்தில் நாகார்ஜுனாவுக்கு ஜோடியாக நடித்திருந்தவர் நடிகை கிரிஜா. இந்தப் படம் தமிழில் 'இதயத்தை திருடாதே' என்கிற பெயரில் வெளியாகி இங்கேயும் வரவேற்பை பெற்றதுடன் நடிகர் நாகார்ஜுனாவுக்கு தமிழில் ஒரு நல்ல அறிமுகத்தையும் பெற்று தந்தது. இந்த படத்தில் கதாநாயகியாக நடித்திருந்த கிரிஜாவின் துருதுருப்பான, துணிச்சலான, துள்ளாத நடிப்பு ரசிகர்களை வெகுவாக கவர்ந்தது. அந்த காலகட்டத்தில் இந்த இளம் பெண் கதாபாத்திரம் ஆச்சரியமாகவும் பார்க்கப்பட்டது. அந்த படத்தில் வரவேற்பை பெற்ற கிரிஜா அதே வருடத்தில் மலையாளத்தில் பிரியதர்ஷன் இயக்கத்தில் வெளியான 'வந்தனம்' படத்தில் மோகன்லாலுக்கு ஜோடியாக நடித்தார். வந்தனம் படமும் மிகப்பெரிய வரவேற்பு பெற்றது.

அதை தொடர்ந்து ஒரு பெரிய ரவுண்டு வருவார் என எதிர்பார்த்த நிலையில் அவர் நடித்த ஒன்று இரண்டு படங்கள் பாதியிலேயே நின்றுவிட்டன. இதனைத் தொடர்ந்து மீண்டும் படிப்பதற்காக இங்கிலாந்து திரும்பி விட்டார் கிரிஜா. இடையில் 2003ல் ஹிந்தியில் வெளியான 'சனம் மேரி கசம்' படத்தில் சில நொடிகள் வந்து போகும் கதாபாத்திரத்தில் நடித்திருந்தார்.

இந்த நிலையில் தற்போது கிட்டத்தட்ட 35 வருடங்கள் கழித்து மீண்டும் தென்னிந்திய சினிமாவிற்கு திரும்பியுள்ள நடிகை கிரிஜா கன்னடத்தில் உருவாகி வரும் 'இப்பணி தப்பிதா இலேயாளி' என்கிற படத்தில் முக்கிய கதாபாத்திரத்தில் நடித்து வருகிறார். தற்போது அவரது உருவ தோற்றமும் நிறையவே மாறி இருந்தாலும் முன் போலவே ரசிகர்களின் இதயத்தை தனது நடிப்பால் திருடுவாரா என பொறுத்திருந்து பார்ப்போம்.

• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்
• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!

• 
  போதைப்பொருள் பயன்படுத்த தனி ரூம் வசதி ; பெண் தயாரிப்பாளர் பகீர் ...
• 
  மம்முட்டி - கவுதம் மேனன் பட ஓடிடி ரிலீஸ் தாமதம் ஏன் ?
• 
  'ஸ்படிகம்' இயக்குனரை அழைத்து வந்து வித்தியாசமான முறையில் கவுரவித்த ...
• 
  அமெரிக்காவில் தெலுங்கு கலாச்சார விழாவில் பங்கேற்கும் அல்லு அர்ஜுன்
• 
  ராஜமவுலி, ஜூனியர் என்டிஆர் பட ரீ ரிலீஸில் அதிர்ச்சி : பாதியில் வெளியேறிய ...