Dinamalar

ஓடிடியில் வந்தது 'வேட்டையன்': தாமதமாகும் 'லால் சலாம்' ஓடிடி ரிலீஸ்

தசெ ஞானவேல் இயக்கத்தில், அனிருத் இசையமைப்பில், ரஜினிகாந்த், அமிதாப்பச்சன், பஹத் பாசில், ராணா டகுபதி, துஷாரா விஜயன், மஞ்சு வாரியர், ரித்திகா சிங் மற்றும் பலர் நடிப்பில் கடந்த மாதம் அக்டோபர் 10ம் தேதி வெளியான படம் 'வேட்டையன்'. சுமாரான வெற்றி, வரவேற்புடன் தியேட்டர்களில் ஓடிய இப்படம் அமேசான் பிரைம் ஓடிடி தளத்தில் இன்று வெளியாகி உள்ளது.

படத்தின் கதையம்சம் சிறப்பாக இருந்தது என்று விமர்சகர்களால் பாராட்டப்பட்டாலும் ரஜினிகாந்த்தின் முழுமையான படமாக இல்லை என்ற குறையும் இருந்தது. இருப்பினும் ஓடிடி தளத்தில் சிறப்பான கதையம்சம் கொண்ட படங்கள் ரசிகர்களிடம் நல்ல வரவேற்பைப் பெறுவது வழக்கம். அப்படி ஒரு வரவேற்பு இந்தப் படத்திற்குக் கிடைக்கும் என்று எதிர்பார்க்கப்படுகிறது.

அக்டோபர் 10ம் தேதி வெளியான 'வேட்டையன்' படம் நான்கே வாரங்களில் ஓடிடி தளத்தில் வெளியாகிவிட்டது. ஆனாலும், ரஜினிகாந்த் முக்கிய தோற்றத்தில் நடித்து பிப்ரவரி 9ம் தேதி வெளியான 'லால் சலாம்' படம் ஒன்பது மாதங்களாகியும் இன்னும் ஓடிடி தளத்தில் வெளியாகாமல் உள்ளது.

செப்டம்பர் மாதமே இப்படம் ஓடிடி தளத்தில் வெளியாகும் என்று சொல்லப்பட்டது. அப்படத்தின் படப்பிடிப்பு நடந்த போது 'ஹார்ட் டிஸ்க்'ல் காணாமல் போன காட்சிகளைத் தேடி எடுத்துவிட்டதாகவும், அவற்றுடன் சேர்த்து புதிதாக எடிட் செய்யப்பட்ட படமாக ஓடிடியில் வரும் என்றும் படத்தின் இயக்குனர் ஐஸ்வர்யா ரஜினிகாந்தும் ஒரு பேட்டியில் கூறியிருந்தார். ஆனாலும் அதன்பின் அது குறித்த அப்டேட் எதுவும் இதுவரையிலும் வெளியாகவில்லை.

• 
  காந்தாரா கிண்டல்: மன்னிப்பு கேட்ட ரன்வீர் சிங்
• 
  விஜய் பட இயக்குனர் உடன் இணையும் சல்மான்
• 
  பிரபல பாலிவுட் இயக்குனரின் வாழ்க்கை வரலாறு படத்தில் நடிக்கும் தமன்னா
• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்

• 
  யோகிபாபு எப்படிப்பட்டவர் தெரியுமா? : சாரா இயக்குனர் பரபர குற்றச்சாட்டு
• 
  தியேட்டரில் திரையிட தயங்கியதால் 'சாவு வீடு' டைட்டில் மாற்றம்
• 
  ரவிக்கை அணியாமல், சுருட்டு புகைத்து நடித்தது தொழில் நேர்மை: கீதா கைலாசம்
• 
  ஜெயிலர் 2வில் ஷாருக்கான் நடிக்கிறாரா? : ஆயிரம் கோடி வசூலை படம் அள்ளுமா?
• 
  வேள்பாரிக்கு தீவிரம் காட்டும் ஷங்கர் : ஹீரோ யார்?