Dinamalar

'புஷ்பா 2' புது போஸ்டரில் 'புகையிலை பைப்' பிடிக்கும் அல்லு அர்ஜுன்

புகை பிடிப்பது, குடிப்பது குறித்து எச்சரிக்கை வாசகங்களை படம் ஆரம்பிப்பதற்கு முன்பும், அப்படியான காட்சிகள் வரும் போதும் அதே வாசகங்களை வைக்கச் சொல்லி உத்தரவிட்ட பின்பும் விளம்பரங்களில் எந்த எச்சரிக்கை வாசகங்களையும் வைக்காமல் விளம்பரப்படுத்துவது வாடிக்கையாகிவிட்டது.

சுகுமார் இயக்கத்தில், அல்லு அர்ஜுன் நாயகனாக நடிக்கும் 'புஷ்பா 2' படத்தின் புதிய ரிலீஸ் தேதி போஸ்டர் ஒன்றை சற்று முன் வெளியிட்டனர். முன்னர் அறிவிக்கப்பட்ட டிசம்பர் 6ம் தேதிக்கு ஒரு நாள் முன்னதாக டிசம்பர் 5ம் தேதியே படம் வெளியாகிறது. அந்த போஸ்டரில் 'புகையிலை பைப்' பிடித்தபடி, கையில் பிடித்திருக்கும் துப்பாக்கியை அல்லு அர்ஜுன் பார்ப்பது போன்ற புகைப்படத்தை போஸ்டரில் வைத்துள்ளனர்.

முன்னணி நடிகர்கள் பலர் இப்படி எந்த ஒரு சமூக பொறுப்பும் இல்லாமல் இருக்கிறார்களே என சமூக ஆர்வலர்கள் பலரும் கருதுகிறார்கள். சமீபத்தில் பிரதீப் ரங்கநாதன் நடிக்கும் 'டிராகன்' விளம்பர போஸ்டரில் அவர் புகை பிடிப்பது போன்ற புகைப்படம் கொண்ட போஸ்டரை வெளியிட்டார்கள்.

திரைப்படங்களில் புகை பிடிக்கும், மது குடிக்கும் காட்சிகளுக்கு எச்சரிக்கை வாசகங்களை வைக்க உத்தரவிட்ட மத்திய அரசு, அது போன்ற விளம்பரங்களும் வாசகங்களை வைக்க உத்தரவிட வேண்டும் என்றோ அல்லது அப்படியான விளம்பரங்களே கூடாது என்றோ சொன்னால் மட்டுமே இப்படியான போஸ்டர்கள் கட்டுப்படுத்தப்படும்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  தேசிய விருது கிடைத்தால் மகிழ்ச்சி: துல்கர் சல்மான்
• 
  முதல் முறையாக ரவி தேஜா உடன் இணையும் சமந்தா!
• 
  சிம்புவின் மீது இன்னும் வருத்தத்தில் சந்தியா!
• 
  56வது இந்திய சர்வதேச திரைப்பட விழாவில் கவுரவிக்கப்படும் ரஜினிகாந்த்- ...
• 
  25 கோடி பட்ஜெட்டில் உருவாகும் படத்தில் லோகேஷ் கனகராஜின் சம்பளம் 35 கோடியா?