Dinamalar

விஜய்சேதுபதி, தனுஷை மனதில் வைத்து கவினை நிராகரித்தது பெரிய தவறு: நெல்சன் வருத்தம்

பிலாமெண்ட் பிக்சர்ஸ், சார்பில் இயக்குநர் நெல்சன் திலீப்குமார் தயாரிப்பில் அறிமுக இயக்குநர் சிவபாலன் முத்துக்குமார் இயக்கத்தில் கவின் நடிப்பில் இந்த மாதம் தீபாவளி பண்டிகையை முன்னிட்டு அக்டோபர் 31ம் தேதி வெளியாக இருக்கும் படம் 'பிளடி பெக்கர்'. இதில் கவினுடன் மாருதி பிரகாஷ்ராஜ், ரெடின் கிங்ஸ்லி, பிருத்விராஜ், சுனில் சுகதா, டி.எம்.கார்த்திக் உள்ளிட்ட பலர் நடித்துள்ளனர். ஜென் மார்ட்டின் இசை அமைத்துள்ளார்.

தயாரிப்பாளரான இயக்குனர் நெல்சன் திலீப் குமார் இந்த படத்தில் பிச்சைக்காரனாக நடிப்பதற்கு விஜய் சேதுபதி மற்றும் தனுஷையே சிபாரிசு செய்துள்ளார். ஆனால் இயக்குனர்தான் பிடிவாதமாக கவினை நடிக்க வைத்தார்.

இதுகுறித்து நெல்சன் கூறியிருப்பதாவது: 'வேட்டை மன்னன்' படத்தின்போது என்னிடம் சிவபாலன் உதவி இயக்குனராக சேர்ந்தார். 'ஜெயிலர்' படம் வரையிலுமே என்னிடம் வேலை பார்த்தார். 'ஜெயிலர்' பட சமயத்தில்தான் இந்தக் கதை சொன்னார். நீண்ட நாட்கள் என்னிடம் வேலை பார்த்ததால் அவருக்கு எதாவது செய்ய வேண்டும் என்ற எண்ணம் இருந்தது. ஆனால், 'ஜெயிலர்' வெற்றி பெற்றால் மட்டுமே சிவபாலன் படம் தயாரிப்பேன் என்று சொல்லியிருந்தேன். இதனால், 'ஜெயிலர்' படம் வெற்றி பெற வேண்டும் என அவர்தான் மிகவும் எதிர்பார்த்திருந்தார். படம் வெற்றி பெற்றதும் 'பிளடி பெக்கர்' தயாரிப்பது உறுதியானது.

கவினை வைத்து செய்யலாம் என சிவபாலன் சொன்னார். ஆனால், இந்தக் கதைக்கு கவின் சரியாக இருப்பார் எனத் தோன்றவில்லை. தனுஷ், விஜய்சேதுபதி என சில பெயர்களை சிவபாலனிடம் சொன்னேன். ஆனால், அவர் கவின் தான் வேண்டும் என்பதில் உறுதியாக இருந்து லுக் டெஸ்ட் செய்தார். அப்போதே இந்தக் கதையில் சிவபாலன் எவ்வளவு டீடெய்லிங்காக செய்திருக்கிறார் என்பது தெரிந்தது.

படத்தின் முதல் பாதி நன்றாகவே செய்திருந்தார்கள். அதன் பிறகுதான் எனக்கு நம்பிக்கை வந்தது. முழுப்படமும் பார்த்தபோது சிவபாலனுக்குப் பிறகு சிறப்பாக வேலை செய்திருப்பது கவின்தான். பல காட்சிகளில் சிறப்பாக கவின் நடித்திருக்கிறார். கவின் வேண்டாம் என்று ஆரம்பத்தில் நிராகரித்து நான் எவ்வளவு பெரிய தவறு செய்திருக்கிறேன் என்பது அப்போதுதான் புரிந்தது. திரில்லர் படமான இதில் டார்க் காமெடி, என்டர்டெயின்மென்ட் என எல்லாமே இருக்கும்” என்றார்.

• செய்திகள்
• வந்த படங்கள்

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• 
  சல்மானின் ‛சிக்கந்தர்' படத்தில் சத்யராஜ்
• 
  பிரியங்கா சோப்ரா இல்லாமல் மகேஷ் பாபு படத்தின் படப்பிடிப்பை துவங்கிய ...
• 
  ஆமீர்கான் விரைவில் மூன்றாவது திருமணம்?
• 
  100 கோடியைக் கடந்த 'ஸ்கை போர்ஸ்'
• 
  என் முடிவை நானே தான் எடுக்கிறேன் - ஜுனைத் கான் பேட்டி

• 
  தங்கலான் படத்திற்காக அதிகம் மெனக்கெட்டேன்: மனம் திறந்த மாளவிகா மோகனன்
• 
  திருமணம், குழந்தை பெற்றுக் கொள்வதுதான் முழுமையான வாழ்க்கையா : சமந்தா ...
• 
  ஸ்வீட் ஹார்ட் படத்தின் ரிலீஸ் தேதி அறிவிப்பு
• 
  மணிரத்னத்துடன் எடுத்த போட்டோ : ராஜ்குமார் பெரியசாமி நெகிழ்ச்சி
• 
  வெளியானது 'விடாமுயற்சி' படம்: ரசிகர்களுடன் படம் பார்த்த திரை ...