Dinamalar

4 மணிநேர காத்திருப்பு : ஸ்ருதிஹாசனை அவதிக்குள்ளாக்கிய விமான நிறுவனம்

எவ்வளவுதான் சினிமா பிரபலமாக இருந்தாலும் கூட சில நேரங்களில் அவர்களுக்கு விமான பயணங்கள் கசப்பான அனுபவங்களை தந்து விடுகின்றன. சமீப காலங்களில் இண்டிகோ விமானத்தில் பயணிக்கும் பிரபலங்கள் தொடர்ந்து தாங்கள் சந்தித்து வரும் சிரமங்களையும் அந்த நிறுவனத்தின் அலட்சிய போக்கையும் பற்றி அவ்வப்போது கடுமையான கருத்துக்களை கூறி வருகின்றனர். அந்த வகையில் கடந்த வருடம் நடிகைகள் ஸ்வேதா மேனன், மாளவிகா மோகனன் ஆகியோர் இண்டிகோ விமானத்தில் பயணித்தபோது கசப்பான அனுபவங்களை சந்தித்ததாக கூறியிருந்தனர் இந்த நிலையில் நடிகை ஸ்ருதிஹாசனுக்கும் தற்போது இண்டிகோ விமான பயணத்தில் அப்படி ஒரு கசப்பான அனுபவம் ஏற்பட்டுள்ளது

சமீபத்தில் விமானப்பயணம் செல்வதற்காக இண்டிகோ விமானத்தில் டிக்கெட் புக் செய்து இருந்த ஸ்ருதிஹாசன் விமான நிலையத்திற்கு வந்தார். ஆனால் கிட்டத்தட்ட நான்கு மணி நேரம் ஆகியும் விமானம் வரவில்லை. இது குறித்து முறையான தகவலும் பயணிகளுக்கு தெரிவிக்கப்படவில்லை. இதனை தொடர்ந்து அங்கிருந்தபடியே தனது சோசியல் மீடியா பக்கத்தில் இந்த பிரச்சனை குறித்து வெளிப்படுத்திய ஸ்ருதிஹாசன் குறைந்தபட்சம் என்ன நடக்கிறது என்பதை பயணிகளுக்கு முறையாக அறிவிக்கக்கூடவா முடியவில்லை என இண்டிகோ விமான நிறுவனத்தை விமர்சித்து இருந்தார்.

இதனைத் தொடர்ந்து அவருக்கு பதில் அளிக்கும் விதமாக பதிவிட்டுள்ள இண்டிகோ விமான நிறுவனம், உங்களுக்கு ஏற்பட்டுள்ள அசவுகரியத்திற்காக வருந்துகிறோம். காலநிலை சரியில்லாத காரணத்தினால் மும்பையில் இருந்து புறப்பட்டு வந்து சேர வேண்டிய விமானத்தில் தாமதம் ஏற்பட்டுள்ளது” என்று விளக்கம் அளித்துள்ளனர்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா