Dinamalar

பிளாஷ்பேக் : ஒரே வருடத்தில் 9 படங்களில் நடித்த சிவாஜி

ஒவ்வொரு நடிகருக்கும் ஒவ்வொரு ஆண்டு முக்கியமானதாக இருக்கும். அது அவர்கள் அதிக படங்களில் நடித்த ஆண்டு. அந்த வரிசையில் நடிகர் திலகம் சிவாஜிக்கு 1969ம் ஆண்டு முக்கியமான வருடம். இந்த ஆண்டு அவர் 9 படங்களில் நடித்தார். அந்த படங்கள் வருமாறு:

1.நிறைகுடம்
முக்தா பிலிம்ஸ் தயாரிப்பில், முக்தா சீனிவாசன் இயக்கத்தில் இந்த படம் உருவானது. இயக்குநர் மகேந்திரனின் கதை இது. நடிகர் சோ, திரைக்கதை, வசனம் எழுதினார். சிவாஜி கணேசன், வாணிஸ்ரீ, முத்துராமன், சோ, தேங்காய் சீனிவாசன் உள்ளிட்டோர் நடித்தனர். முக்தா பிலிம்ஸில் சிவாஜி நடித்த முதல் படம் இது.

2. அஞ்சல் பெட்டி 520
சிவாஜி, சரோஜாதேவி, நாகேஷ், தேங்காய் சீனிவாசன் முதலானோர் நடித்து, டி.என்.பாலு இயக்கிய படம். முழுக்க முழுக்க காமெடிக்கு முக்கியத்துவம் கொடுக்கப்பட்டு எடுக்கப்பட்ட படம் இது.

3. அன்பளிப்பு
சிவாஜி, சரோஜாதேவி நடிக்க, ஏ.சி.திருலோகசந்தர் இயக்கத்தில் உருவானது. இந்த படம் தோல்வி அடைந்தது.

4. காவல் தெய்வம்
கே.விஜயன் இயக்கத்தில், உருவான படம். படத்தின் கதையை ஜெயகாந்தன் எழுதியிருந்தார்.

5. குருதட்சனை
சிவாஜியும் பத்மினியும் நடித்து, ஏபி.நாகராஜன் இயக்கத்தில் உருவான படம்.

6. தங்கச் சுரங்கம்
டி.ஆர்.ராமண்ணா இயக்கத்தில் சிவாஜி, பாரதி, வெண்ணிற ஆடை நிர்மலா, எஸ்.வரலட்சுமி, மேஜர் சுந்தர்ராஜன், நாகேஷ் நடித்திருந்தனர்.

7. தெய்வமகன்
சிவாஜியின் புகழ் பெற்ற படமான தெய்வமகன் இந்த ஆண்டு தான் வெளியானது. ஏ.சி.திருலோகசந்தர் இயக்கத்தில் சிவாஜி முதன் முறையாக மூன்று வேடங்களில் நடித்தார்.

8. திருடன்
கே.பாலாஜியின் தயாரிப்பில், கே.ஆர்.விஜயாவுடன் சிவாஜி நடித்த படம்.

9. சிவந்த மண்
ஸ்ரீதர் இயக்கத்தில், சிவாஜி, காஞ்சனா நடித்த படம். முதன் முறையாக வெளிநாட்டில் எடுக்கப்பட்ட சிவாஜி படம்..

• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்
• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!

• 
  ஹீரோவான கேஜேஆர் ஸ்டுடியோஸ் தயாரிப்பாளர் ராஜேஷ்! விளையாட்டு வீரராக ...
• 
  'தக்லைப்' படத்தில் எனது கேரக்டர் விமர்சிக்கப்படும்! - திரிஷா வெளியிட்ட ...
• 
  கேரளாவில் ஜெயிலர்-2 படப்பிடிப்பை முடித்துவிட்டு சென்னை திரும்பிய ரஜினி!
• 
  முழுக்க முழுக்க புதுமுகங்களை வைத்து படம் இயக்கும் மணிரத்னம்!
• 
  மீண்டும் தள்ளிப்போனது 'படை தலைவன்' ரிலீஸ்