Dinamalar

சென்னையில் அவசர அவசரமாக நடந்த 'தேவரா' நிகழ்ச்சி

கொரட்டலா சிவா இயக்கத்தில், அனிருத் இசையமைப்பில், ஜுனியர் என்டிஆர், ஜான்வி கபூர், சைப் அலிகான், கலையரசன் மற்றும் பலர் நடிக்கும் படம் 'தேவரா 1'. இப்படம் அடுத்த வாரம் செப்டம்பர் 27ம் தேதி பான் இந்தியா படமாக வெளியாக உள்ளது. தமிழிலும் டப்பிங் செய்து இப்படத்தை வெளியிட உள்ளார்கள்.

நேற்று இப்படத்தின் பத்திரிகையாளர் சந்திப்பு சென்னையில் உள்ள பெரிய நட்சத்திர ஓட்டல் ஒன்றில் நடைபெற்றது. வழக்கம் போலவே விழாவை தாமதமாகத் துவக்கினார்கள். மொத்த நிகழ்ச்சியையும் வெறும் அரை மணி நேரத்தில் அவசர அவசரமாக நடத்தி முடித்தார்கள். படக்குழுவினர் விமானத்தைப் பிடிக்க வேண்டும் என்பதால் இவ்வளவு அவசரமாக நடத்தப்பட்டது என்று தகவல். நேரத்துடன் ஆரம்பித்திருந்தால் இந்த அவசரத்தைத் தவிர்த்திருக்கலாமே என்று பத்திரிகையாளர்கள் ஆதங்கப்பட்டார்கள். மேலும், படக்குழுவினரை பத்திரிகையாளர்கள் எந்தக் கேள்வியையும் கேட்கவிடாமல் நடத்தப்பட்டது இந்த பத்திரிகையாளர் சந்திப்பு.

அது மட்டுமல்ல, பத்திரிகையாளர் சந்திப்பு என்று சொல்லிவிட்டு ஜுனியர் என்டிஆர் ரசிகர்களை விழா நடந்த அரங்கத்திற்குள் வரவைத்துவிட்டனர். 'ஜுனியர் என்டிஆர்' என மேடையில் சிலர் பேசிய போதெல்லாம் அந்த ரசிகர்கள் 'ஜெய் ஜுனியர் என்டிஆர், ஜெய் ஜுனியர் என்டிஆர்' என கூச்சலிட்டு இது ரசிகர்களுக்காக நடத்திய நிகழ்ச்சி என்று உணர்த்தினார்கள்.

இதற்கு முன்பு 'ஆர்ஆர்ஆர்' படத்திற்கான நிகழ்ச்சி சென்னையில் நடைபெற்ற போது கூட ஜுனியர் என்டிஆர் ரசிகர்களும், ராம் சரண் ரசிகர்களும் போட்டி போட்டு கூச்சல் போட்டார்கள். தெலுங்கு நடிகர்கள் இப்படி ஏதாவது செய்துவிட்டுப் போக அதைப் பார்த்து தமிழ் நடிகர்களும் இப்படி காப்பியடிப்பது அதிகமாகிவிட்டது.

மறைந்த நடிகை ஸ்ரீதேவியின் மகள் ஜான்வி கபூர் அழகுத் தமிழில் பேசியதுதான் நிகழ்ச்சியின் ஒரே ஆறுதல்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  குட் பேட் அக்லி டிரைலர் வெளியானது : நிச்சயம் அஜித் ரசிகர்களுக்கு ...
• 
  ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு
• 
  ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு
• 
  சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி'
• 
  மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது!