பிளாஷ்பேக் : வாய்ப்பளித்த எம்.ஜி.ஆர் ; வாழ்த்துப் பாடலால் நன்றி சொன்ன வாலி

சிறப்புச்செய்திகள்

ஜானி மாஸ்டர் கைது செய்யப்படுவாரா ? | 400 கோடி வசூலைக் கடந்த 'தி கோட்' | சூர்யாவின் கங்குவா ரிலீஸ் - இரண்டு தேதிகளை திட்டமிடும் படக்குழு! | டிசம்பரில் வெளியாகும் வெங்கட் பிரபுவின் பார்ட்டி! | கிறிஸ்துமஸ்க்கு வெளியாகும் அஜித்தின் விடாமுயற்சி! | வாழை படத்தின் இரண்டாம் பாகம்! - மாரி செல்வராஜ் தகவல் | பிரதமர் மோடிக்கு பிறந்தநாள் வாழ்த்து தெரிவித்த விஜய், ரஜினி! | நெருக்கமான காட்சிகளில் நடிப்பது எளிதல்ல - மாளவிகா மோகனன் | ஹிந்தி படத்தின் ரீமேக்கில் ராகவா லாரன்ஸ் | தனுஷ் இயக்கத்தில் இட்லி கடை? |

Scroll Left

Pause or Play

Scroll Right

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

12 செப், 2024 - 03:07 IST

1 கருத்துகள் கருத்தைப் பதிவு செய்ய

எழுத்தின் அளவு:

Flashback:-MGR-gave-the-opportunity;-Vaali-thanks-you-with-a-congratulatory-song

1960களில் கருத்து வேறுபாடு காரணமாக எம்ஜிஆருக்கும், கவியரசர் கண்ணதாசனுக்கும் விரிசல் ஏற்பட்டிருந்த நிலையில், எம்ஜிஆரின் “நல்லவன் வாழ்வான்” திரைப்படத்திற்கு பாடல் எழுதியதன் மூலம் எம்ஜிஆரின் ஆதரவு பெற்ற கவிஞரானவர் தான் கவிஞர் வாலி. ஒரு பொதுமேடையில் இனி எனது படங்களுக்கு வாலிதான் பாடல்கள் எழுதுவார் என எம்ஜிஆரே அறிவிப்பு செய்யும் அளவிற்கு அவருடைய அபிமானம் பெற்ற கவிஞராகவும் உயர்வு பெற்றார் வாலி.

எம்ஜிஆர் நடிப்பில், ஜிஎன் வேலுமணி தயாரித்து, எம்.எஸ்.விஸ்வநாதன் இசையமைத்து வெளிவந்த “படகோட்டி” திரைப்படத்தின் அத்தனைப் பாடல்களையும் எழுதியவர் வாலி. பாட்டுக்கோர் படம் “படகோட்டி” என ரசிகர்களும், கலையுலகமும் போற்றும் அளவிற்கு அந்தப் படத்தின் பாடல்கள் இன்றும் அழியாத் தன்மை பெற்று நிலைத்து நிற்கின்றன. இவ்வாறு எம்ஜிஆரின் எண்ணற்ற திரைப்படங்களில் அவரது கொடைத் தன்மையையும், ஆளுமையையும், எண்ணங்களையும் விளக்கும் ஏராளமான கொள்கைப் பாடல்களை எழுதி எம்ஜிஆரின் மனதில் தனி இடம் பிடித்திருந்தார் வாலி.

கண்ணதாசன் தனது வாழ்வில் நடந்த சில நிகழ்வுகளை, தான் எழுதிய திரைப்படப் பாடல்கள் மூலம் சொல்லியதாக செவிவழிச் செய்திகள் நாம் கேட்டதுண்டு. அதுபோல் வாலி தான் கலையுலகில் வளர காரணமாயிருந்த எம்.ஜி.ஆருக்காக எழுதிய ஒரு திரைப்படப் பாடல்தான் இந்தப் பாடல். தனக்கு பாடல் எழுதும் வாய்ப்பு தந்து வளர்த்து விட்ட எம்ஜிஆரின் சிறப்புகளை பாடியிருந்த வாலி, அவருக்கு நன்றி சொல்லும் விதமாய் பாடிய ஒரு பாடலாகவும் இந்தப் பாடலை நம்மால் உணர முடியும்.

1967ம் ஆண்டு எம்ஜிஆர், ஜெயலலிதா, சரோஜாதேவி நடிப்பில் எம்ஜிஆரின் அண்ணன் எம்ஜி சக்கரபாணி இயக்கிய “அரசகட்டளை” என்ற படத்தில் ஜெயலலிதா பாடுவதாக வரும் ஒரு காட்சிக்கு பாடல் எழுதிய வாலி, காட்சிக்குப் பொருந்துமாறும், அதையே தனக்கு சாதகமாக்கி தன்னை கலையுலகில் வளர்த்துவிட்ட எம்ஜிஆருக்கு நன்றி சொல்லும் விதத்திலும் அவர் எழுதிய பாடல்தான் “என்னைப் பாட வைத்தவன் ஒருவன் என் பாட்டுக்கு அவன் தான் தலைவன்” என்று ஆரம்பமாகும் “அரசகட்டளை” படப்பாடல்.

MGR

Vaali

Lyricistvaali

Flashback

கருத்துகள் (1) கருத்தைப் பதிவு செய்ய

டிரென்டிங் போட்டியில் 'மட்ட Vs ...

பவன் கல்யாண் நன்றிக்கு நன்றி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (1)

M.COM.N.K.K. - Vedaranyam,இந்தியா

13 செப், 2024 - 09:09 Report Abuse

அருமை அருமை அந்த நேரத்தில் மக்கள் திலகத்தை நக்கல் செய்தவர்கள் பலர் இருந்தனர்.ஒருவருடைய புகழை பார்த்து மகிழிசடையாமல் நக்கல் செய்த காலம் அது.சுடப்பட்டு மக்கள் திலகம் வேதனையில் இருந்தபோது சில விஷமிகள் அவரை மட்டமாக பேசி நக்கல் அடித்து கும்மாளம் போட்ட காலம் அது.அந்த விஷமிகள் எல்லாம் காணாமல் போனார்கள்.அந்த நேரத்திலும் வாலி அவர்கள் தலைவருக்காக பல பாடல்களை முத்து முத்தாக எழுதி மக்கள் திலகத்தை மாபெரும் உயரத்தை அடைய கவிஞர் வாலியின் பங்கு மிகப்பெரியதே மக்கள் திலகத்தின் ரசிகர்கள் என்றும் அவரை இதயத்தில் வைத்திருப்பார்கள்.

Rate this: