Dinamalar

ஒருநாள் மட்டும் ‛இந்தியன் 2' சிறப்பு காட்சிக்கு அனுமதி

ஷங்கர் இயக்கத்தில் கமல்ஹாசன், சித்தார்த், ரகுல் ப்ரீத் சிங், பாபி சிம்ஹா மற்றும் பலர் நடித்துள்ள 'இந்தியன் 2' படம் நாளை(ஜூலை 12) உலகம் முழுவதும் வெளியாக உள்ளது. 28 ஆண்டுகளுக்கு பின் ஒரு படத்தின் இரண்டாம் பாகம் வெளிவருவதால் படத்தின் மீது அதிக எதிர்பார்ப்பு உள்ளது. ஏற்கனவே பாடல்கள், டிரைலர் வரவேற்பை பெற்றுள்ளன.

இந்நிலையில் இந்த படத்திற்கு சிறப்பு காட்சி திரையிட தமிழக அரசு அனுமதி வழங்கி உள்ளது. அதாவது நாளை படம் வெளியாகும் ஒரு நாள் மட்டும் காலை 9 மணிக்கான சிறப்பு காட்சி உடன் சேர்த்து மொத்தம் 5 காட்சிகள் திரையிட அனுமதி அளிக்கப்பட்டுள்ளது.

அஜித்தின் ‛துணிவு' படம் வந்த சமயத்தில் அதிகாலை சிறப்பு காட்சி கொண்டாட்டத்தின் போது ரசிகர் ஒருவர் மரணம் அடைந்தார். அந்த சம்பவத்திற்கு பின் தமிழகத்தில் சிறப்பு காட்சிகள் ரத்து செய்யப்பட்டன. முக்கிய நடிகர்கள் படங்கள் வரும்போது அல்லது பண்டிகை காலத்தை கணக்கில் கொண்டு சிறப்பு காட்சிக்கு தமிழக அரசு அனுமதி வழங்கி வந்தது. அந்தவகையில் இப்போது இந்த படத்திற்கு சிறப்பு காட்சி வழங்கப்பட்டுள்ளது.

இந்தியன் 2 படத்தை லைகா நிறுவனம் மட்டுமின்றி அமைச்சர் உதயநிதியின் ரெட் ஜெயன்ட் நிறுவனமும் இணைந்து தயாரித்துள்ளது குறிப்பிடத்தக்கது.

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  காமெடி முதல் கிரைம் த்ரில்லர் வரை : இந்த வார ஓடிடி ரிலீஸ்......!
• 
  வாரணாசி-க்கு பின்னணி இசை அமைப்பது எப்போது... : கீரவாணி கொடுத்த அப்டேட்
• 
  'சர்வம் மாயா' நாயகிக்கு பாராட்டுடன் பரிசும் அனுப்பிய சூர்யா ஜோதிகா
• 
  நன்றி சொன்னார் எஸ்.பி.முத்துராமன் : கண்கலங்கினார் வி.சி.குகநாதன்
• 
  அஞ்சு ரூபாய் டாக்டர் போன்ற கதாபாத்திரத்தில் நடிக்கும் மம்முட்டி