சந்தானத்தின் டிடி ரிட்டன்ஸ் 2ம் பாகம்: ஆர்யா தயாரிக்கிறார் - Santhanam's DD Returns Part 2: Produced by Arya

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சந்தானத்தின் 'டிடி ரிட்டன்ஸ்' 2ம் பாகம்: ஆர்யா தயாரிக்கிறார்

08 ஜூலை, 2024 - 10:35 IST

எழுத்தின் அளவு:

நிஹாரிகா என்டர்டெயின்மென்ட், தி ஷோ பீப்பிள் மற்றும் ஹேன்ட்மேட் பிலிம்ஸ் நிறுவனங்கள் இணைந்து தயாரிக்கும் படத்தில் சந்தானம் நடிக்கிறார். இந்த படத்தின் தயாரிப்பாளர்களில் ஒருவராக ஆர்யா இணைந்துள்ளார். இந்த படத்தை 'டிடி ரிட்டர்ன்ஸ்' படத்தை இயக்கிய எஸ்.பிரேம் ஆனந்த் இயக்குகிறார். படத்திற்கு இன்னும் டைட்டில் வைக்கவில்லை. தீபக் குமார் ஒளிப்பதிவு செய்கிறார், ஆப்ரோ இசையமைக்கிறார். முக்கிய வேடங்களில் முன்னணி நட்சத்திரங்கள் நடிக்க உள்ளனர். படத்தின் தலைப்பு மற்றும் நடிகர் நடிகையர் குறித்து அறிவிப்பு விரைவில் வெளியாகும் என்று தெரிகிறது.

இந்த படத்தின் பணிகள் பூஜையுடன் தொடங்கியது. படம் குறித்து இயக்குநர் பிரேம் ஆனந்த் கூறும்போது, "கடந்த வருடம் ஜூலை மாதம் வெளியான 'டிடி ரிட்டர்ன்ஸ்' திரைப்படம் அனைத்து தரப்பு ரசிகர்களின் ஏகோபித்த வரவேற்போடு பெரும் வெற்றி பெற்றது. அதன் அடுத்த பாகத்திற்கான ஸ்கிரிப்ட் வேலைகளை கடந்த ஒரு வருடமாக தொடர்ந்து செய்து சமீபத்தில் முடித்துள்ளோம். சிறுவர்கள் முதல் பெரியவர்கள் வரை அனைவரும் சிரித்து, ரசித்து மகிழும் திரைப்படமாக இதுவும் இருக்கும்.

அதிக பொருட்செலவில் உருவாக உள்ள இத்திரைப்படத்தின் கதை ஒரு சொகுசு கப்பலில் தொடங்கி தீவு ஒன்றில் நடைபெறும் வகையில் அமைந்துள்ளது. இதற்காக பிரம்மாண்ட பட்ஜெட்டில் அரங்கங்களை அமைக்க உள்ளோம். 'டிடி ரிட்டர்ன்ஸ்' திரைப்படத்தை விட அதிக குதூகலத்தையும் உற்சாகத்தையும் ரசிகர்களுக்கு இப்படம் வழங்கும்" என்றார்.

Santhanam

DDreturns2

Arya

Produce

கருத்துகள் (0) கருத்தைப் பதிவு செய்ய

விடாமுயற்சி - முதல் 'லுக்'கை ...

விஜய் கட்சியில் சேரத் தயாராக ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய