அக்ஷய் குமாரின் இரண்டு தோல்விப் படங்கள், அடுத்த வாரம் ஓடிடியில்…

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

அக்ஷய் குமாரின் இரண்டு தோல்விப் படங்கள், அடுத்த வாரம் ஓடிடியில்…

06 அக், 2024 - 12:25 IST

எழுத்தின் அளவு:

பாலிவுட்டின் டாப் வசூல் நடிகர்களில் ஒருவராக இருந்தவர் அக்ஷய்குமார். ஆனால், கடந்த சில வருடங்களில் அவர் நடித்து வெளிவரும் படங்கள் 50 கோடி வசூலைக் கடப்பதற்கே மிகவும் தள்ளாடி வருகிறது. உச்சத்தில் இருந்த ஒருவரது மார்க்கெட் இப்படி பாதாளத்திற்குச் சென்றுவிட்டது குறித்து பாலிவுட்டினரே பெரும் கவலை அடைந்துள்ளார்கள். எப்படியாவது அவர் மீண்டு வர மாட்டாரா என்று காத்துக் கொண்டிருக்கிறார்கள்.

அக்ஷய்குமார் நடித்து இந்த வருடத்தில் வெளியான 'படே மியான் சோட்டே மியான், சர்பிரா, கேல் கேல் மெய்ன்' ஆகிய படங்கள் தோல்விப் படங்களே. இதில் 'சர்பிரா' படம் அடுத்த வாரம் அக்டோபர் 11ம் தேதி டிஸ்னி பிளஸ் ஹாட்ஸ்டார் ஓடிடி தளத்திலும், 'கேல் கேல் மெய்ன்' படம் அக்டோபர் 9ம் தேதி நெட்பிளிக்ஸ் ஓடிடி தளத்திலும் வெளியாக உள்ளது.

சூர்யா நடித்து வெளிவந்த 'சூரரைப் போற்று' படத்தின் ஹிந்தி ரீமேக் தான் 'சர்பிரா' என்பது குறிப்பிட வேண்டிய ஒன்று. தமிழில் அப்படம் நேரடியாக ஓடிடி தளத்தில் வெளியாகி பெரும் வரவேற்பைப் பெற்று, சில தேசிய விருதுகளையும் வென்றது. மேலும், அந்தப் படத்தை 'உடான்' என்ற பெயரில் ஹிந்தியில் டப்பிங் செய்து சில ஆண்டுகளுக்கு முன்பே ஓடிடி தளத்தில் வெளியிட்டனர்.

அதனால்தான், அதன் ஹிந்தி ரீமேக்காக அக்ஷய்குமார் நடித்த 'சர்பிரா' படம் தியேட்டர்களில் வெளியானாலும் ஓடவில்லை என்பது அவரது ரசிகர்களின் குறையாகவும், புகாராகவும் உள்ளது.

Akshay Kumar

Sarfira

OTT

Khel Khel Mein

அக்ஷய் குமார்

சர்பிரா

கேல் கேல் மெய்ன்

கருத்துகள் (0) கருத்தைப் பதிவு செய்ய

2025, ஆக., 14ம் தேதியில் வெளியாகும் ‛வார் ...

நவராத்திரி : துர்கா தேவியின் ஒன்பது ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய