Dinamalar

விடாமுயற்சி - முதல் 'லுக்'கை சமாளிக்க இரண்டு இரண்டாவது 'லுக்' ரிலீஸ்

மகிழ் திருமேனி இயக்கத்தில், அஜித், த்ரிஷா மற்றும் பலர் நடிக்கும் படம் 'விடாமுயற்சி'. இப்படத்தின் படப்பிடிப்பு அஜர்பைஜான் நாட்டில் ஆரம்பமானதிலிருந்து எந்தவிதமான போஸ்டர்களையும் வெளியிடாமல் இருந்தது படக்குழு.

அப்படத்திற்கு அடுத்து அஜித் நடிக்கும் 'குட் பேட் அக்லி' படத்தின் இரண்டு லுக்குகள் வெளியான பின்பு கூட எதையும் விடாமல் இருந்தார்கள். ரசிகர்கள் பலர் கேட்டதற்குப் பிறகு ஒரு வழியாக ஜுன் 30ம் தேதி திடீரென 'விடாமுயற்சி' படத்தின் முதல் லுக்கை வெளியிட்டார்கள். ஒரு நெடுஞ்சாலையில் கையில் ஒரு பேக்குடன் அஜித் நடந்து வருவது போன்ற முதல் லுக் வெளியானது. அதற்கு கடுமையான விமர்சனங்களும் எழுந்தது. அதை வைத்து பல மீம்ஸ்களும் வெளிவந்தன. இப்படியா முதல் போஸ்டரை வெளியிடுவது என்று அஜித் ரசிகர்களே நொந்து போனார்கள்.

இந்நிலையில் நேற்று திடீரென இரண்டாவது லுக்கை வெளியிடுகிறோம் என்று அறிவித்தார்கள். அது மட்டுமல்ல இரண்டு விதமான லுக்கையும் வெளியிட்டு ரசிகர்களை ஆச்சரியப்படுத்தினார்கள். ஒரு போஸ்டரில் அஜித் ஜீப் ஓட்டுவது போலவும், மற்றொரு போஸ்டரில் கையில் துப்பாக்கியுடன் நிற்பது போலவும் வெளியிட்டார்கள். முதல் லுக்கின் விமர்சனங்களை சமாளிக்கும் விதமாக இந்த இரண்டு இரண்டாவது போஸ்டர்களும் படம் ஆக்ஷன் படம்தான் என்பதை வெளிப்படுத்துவதாக இருந்தன.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  தமிழ் இயக்குனர்களின் சாதியப் படங்கள் : துருவ் விக்ரம் விளக்கம்
• 
  சிரஞ்சீவி வீட்டில் நயன்தாரா குடும்பத்தினரின் தீபாவளி கொண்டாட்டம்
• 
  எந்த ஒரு கட்டுக்கதையும் என்னை அழித்துவிட முடியாது ; சர்ச்சைக்கு ...
• 
  இப்ப, தமிழ் சினிமாவில் டாப் 5 ஹீரோயின் யார் தெரியுமா?
• 
  சூர்யாவின் ‛கருப்பு' ரிலீஸ் எப்போது?