Dinamalar

15 லட்சம் பணமும் போச்சு, கேன்ஸ் பட விழா வாய்ப்பும் போச்சு: கிரண் வேதனை

தமிழில் 'ஜெமினி' படத்தில் அறிமுகமாகி முன்னணி கதாநாயகர்களுக்கு ஜோடியாக நடித்தவர் கிரண். தெலுங்கு, ஹிந்தி படங்களிலும் நடித்து இருக்கிறார். தற்போது பட வாய்ப்புகள் இல்லாவிட்டாலும் சமூக வலைதளங்களில் பிசியாக இருக்கிறார். குறிப்பாக அவரது படு கவர்ச்சி படங்களை இன்ஸ்ட்ராகிராமில் பார்க்க தனியாக கட்டணம் வசூலித்தும் வருகிறார்.
இந்த நிலையில் அவர் கேன்ஸ் திரைப்பட விழாவில் பங்கேற்க விரும்பினார். அங்கு ரெட் கார்பெட்டில் கவர்ச்சியாக நடந்து சென்று உலகின் கவனத்தை திருப்ப நினைத்தார். ஆனால் அவரது ஆசையில விசா ஏஜெண்ட் மண்ணை போட்டுவிட்டான்.

இதுகுறித்து கிரண் தனது சமூக வலைத்தள பக்கத்தில் பகிர்ந்திருப்பதாவது: நான் கேன்ஸ் திரைப்பட விழாவுக்கு செல்ல ஐதராபாத்தில் உள்ள ஒரு மையத்தில் ஏப்ரல் 19ம்தேதி விசாவுக்கு மனு செய்தேன். அவர்களிடம் இருந்து இதுவரை எந்த பதிலும் வரவில்லை. பாஸ்போர்ட்டையும் கூரியரில் திருப்பி அனுப்பி வைக்கவில்லை. பாஸ்போர்ட் எங்கு இருக்கிறது என்பதை கண்டுபிடிக்க முடியவில்லை என்று ஊழியர்கள் சொல்கிறார்கள். ஒரு மாதமாகியும் எனக்கு விசா கிடைக்கவில்லை.

நான் கடந்த 13ம்தேதி கிளம்பி இருக்க வேண்டும். ஏற்கனவே விமான டிக்கெட், ஓட்டல் அறையை புக் செய்துவிட்டேன். ஒரு மாதமாகியும் எனக்கு பாஸ்போர்ட், விசா கிடைக்கவில்லை. விசா கிடைக்காததால் எனக்கு 15 லட்சம் நஷ்டம் ஏற்பட்டு உள்ளது. இதனால் மிகுந்த மன உளைச்சலில் இருக்கிறேன்'' என்று வேதனையுடன் குறிப்பிட்டிருக்கிறார்

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  சமந்தாவுக்கு விலை உயர்ந்த திருமண பரிசு கொடுத்த ராஜ் நிடிமொரு
• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?