Dinamalar

முதன் முறையாக இரண்டு வேடத்தில் நடிக்கும் சதீஷ்

சிவகார்த்திகேயனோடு சினிமாவில் அறிமுகமானவர் காமெடி நடிகர் சதீஷ். நாடகங்களில் நடித்துக் கொண்டிருந்தவர் சினிமாவுக்கு வந்தார். சிவகார்த்திகேயன் முன்னணி ஹீரோவாகிவிட்ட நிலையில் தற்போது சதீஷ் மெல்ல மெல்ல ஹீரோவாகிக் கொண்டிருக்கிறார். அவர் ஹீரோவாக நடித்த நாய் சேகர், கான்ஞ்சுரிங் கண்ணப்பன் படங்கள் வரவேற்பை பெற்றன.

இப்போது அவர் நடித்து வரும் படம் வித்தைக்காரன். லோகேஷ் கனகராஜிடம் உதவி இயக்குநராக பணியாற்றிய வெங்கி இயக்குகிறார். இதில் சிம்ரன் குப்தா, தாரிணி, ஆனந்த்ராஜ், மதுசூதனன், சுப்ரமணியம் சிவா உட்பட பலர் நடிக்கின்றனர். ஒயிட் கார்பெட் பிலிம்ஸ் சார்பில் கே.விஜய் பாண்டி தயாரித்துள்ளார். விபிஆர் இசையமைத்துள்ள இந்தப் படத்துக்கு யுவா கார்த்திக் ஒளிப்பதிவு செய்துள்ளார்.

படம் பற்றி இயக்குனர் வெங்கி கூறும்போது “விமான நிலையத்தில் மாட்டிக் கொண்டிருக்கும் ஒரு பொருளை கொள்ளையடிக்க, 3 குழு திட்டமிடுகிறது. யார் அதை எடுக்கிறார்கள் என்பதுதான் படம். சதீஷ், மேஜிக் நிபுணராக இதில் நடிக்கிறார். காமெடியனாக இதுவரை நடித்த அவர், இதில் சீரியஸ் கேரக்டரில் நடித்திருக்கிறார். குறிப்பாக முதன்முறையாக இரண்டு வேடங்களில் அவர் நடிக்கிறார். கொள்ளை அடிக்கும் ஒரு கும்பலின் தலைவனாகவும், அந்த கும்பலை பிடிக்க போராடும் அதிகாரியாகவும் நடித்துள்ளார்.

விமான நிலையம் தொடர்பான காட்சிகளை உண்மையான விமான நிலையத்திலும், செட் அமைத்தும் படமாக்கினோம். இந்தப் படம் ரசிகர்களுக்கு த்ரில்லிங்கான அனுபவத்தைக் கொடுக்கும். சதீஷிற்கும் திருப்பம் தரும் படமாக இருக்கும். வருகிற 23ம் தேதி வெளியிட திட்டமிட்டிருக்கிறோம்” என்றார்.

• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!

• 
  அப்பாவுக்கு என்னாச்சு? கவுதம் ராம் கார்த்திக் விளக்கம்
• 
  அமீரகத்திற்காக சிறப்பு பாடல் உருவாக்கிய ஏ.ஆர்.ரஹ்மான்
• 
  பிளாஷ்பேக்: வட்டார மொழி பேசி, வாகை சூடிய முதல் தமிழ் திரைப்படம் “மக்களைப் ...
• 
  சூர்யா 46 வது படம் குறித்து ஜி.வி.பிரகாஷ் கொடுத்த அப்டேட்
• 
  ரசிகர்களின் கோரிக்கையை நிறைவேற்றிய சிம்பு