3 மணி நேரம் 40 நிமிடம் ஓடப் போகும் பாகுபலி தி எபிக் - Baahubali The Epic will run for 3 hours and 40 minutes.

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

3 மணி நேரம் 40 நிமிடம் ஓடப் போகும் 'பாகுபலி தி எபிக்'

07 அக், 2025 - 10:51 IST

எழுத்தின் அளவு:

ராஜமவுலி இயக்கத்தில் பிரபாஸ், அனுஷ்கா, தமன்னா, ராணா டகுபதி, நாசர், ரம்யா கிருஷ்ணன் மற்றும் பலர் நடிப்பில் 2015ல் வெளியான 'பாகுபலி 1', 2017ல் வெளியான 'பாகுபலி 2' ஆகிய இரண்டு படங்களையும் இணைத்து ஒரே படமாக 'பாகுபலி தி எபிக்' என்ற பெயரில் இந்த மாதம் 31ம் தேதி தியேட்டர்களில் வெளியிட உள்ளார்கள்.

ஐமேக்ஸ், டால்பி விஷன், 4டிஎக்ஸ், டி பாக்ஸ், எபிக் ஆகிய திரையிடல் தொழில்நுட்பங்கள் உள்ள தியேட்டர்களிலும் இப்படம் வெளியாக உள்ளது. 'பாகுபலி' படங்கள் வெளியான போது இந்த நுட்பங்கள் கொண்ட தியேட்டர்கள் அதிகமாக இல்லை. ஆனால், இப்போது குறிப்பிடும்படியாக உள்ளன. எனவே அகன்ற திரைகளில் பார்க்கும் போது புது அனுபவம் கிடைக்கும்.

'பாகுபலி தி எபிக்' படம் 3 மணி நேரம் 40 நிமிடம் வரை இருக்கும் என அதன் தயாரிப்பாளர் ஷோபு எர்லகட்டா சமீபத்திய பேட்டி ஒன்றில் தெரிவித்துள்ளார். முதல் பாகம் 'தி எபிக்' படத்தின் இடைவேளை வரையிலும், இரண்டாம் பாகம், இடைவேளைக்குப் பிறகான படமாகவும் இருக்குமாம். சில பாடல்கள், காட்சிகள் ஆகியவற்றை நீக்கி 'தி எபிக்' படத்தை மாற்றி அமைத்துள்ளார்கள். 'பாகுபலியை கட்டப்பா ஏன் கொன்றார்' என்பது 'தி எபிக்' படத்தின் இடைவேளை காட்சியாக அமைக்கப்பட்டுள்ளதாம்.

இரண்டு பாகங்களை இணைத்து ஒரே பாகமாக மறு வெளியீடு செய்வது இந்தியத் திரையுலகத்தில் இதுதான் முதல் முறை. ரசிகர்கள் மீண்டும் படத்தைப் பார்த்து எந்த அளவிற்கு ஆதரவு கொடுப்பார்கள் என்பதற்கு ஓரிரு வாரங்கள் காத்திருக்க வேண்டும்.

BaahubaliTheEpic

Prabhas

Ranadagubatti

SSRajamouli

கருத்துகள் (0) கருத்தைப் பதிவு செய்ய

3 ஹீரோக்கள் இணையும் படம்

பிளாஷ்பேக்: நாகேஸ்வர ராவின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய