Dinamalar

கடும் போட்டியில் 'கங்குவா Vs கேப்டன் மில்லர்'

தமிழ் சினிமாவில் அடுத்து வெளியாக உள்ள சில முக்கியப் படங்களில் சூர்யா நடிக்கும் 'கங்குவா' படமும், தனுஷ் நடிக்கும் 'கேப்டன் மில்லர்' படமும் உள்ளது. 2024ல் வெளியாக உள்ள 'கங்குவா' படத்தின் வீடியோ முன்னோட்டம் ஒன்றை 'க்ளிம்ப்ஸ்' என ஒரு வாரத்திற்கு முன்பு சூர்யாவின் பிறந்த நாளில் வெளியிட்டனர்.

அதன் தமிழ் வீடியோ 30 மில்லியன் பார்வைகளைக் கடந்து தமிழ் சினிமாவில் அதிகப் பார்வைகளைப் பெற்ற 'க்ளிம்ப்ஸ்' என்ற சாதனையைப் படைத்தது. கடந்த எட்டு நாட்களில் அதன் பார்வை 31 மில்லியனைத் தாண்டியுள்ளது. சூர்யாவின் படங்களுக்கு வழக்கமாகக் கிடைக்கும் பார்வைகளை விட இது மிக அதிகம்.

இந்நிலையில் தனுஷின் பிறந்தநாளை முன்னிட்டு அவர் நடித்து வரும் 'கேப்டன் மில்லர்' படத்தின் டீசர் மூன்று தினங்களுக்கு முன்பு வெளியானது. 24 மணி நேரத்தில் அதிக பார்வைகளைப் பெற்ற டீசர் என்ற புதிய சாதனையை இது படைத்தது. இந்த மூன்று நாட்களில் 27 மில்லியன் பார்வைகளை இந்த டீசர் கடந்துள்ளது.

'கங்குவா' பட க்ளிம்ப்ஸ், 'கேப்டன் மில்லர்' பட டீசர் இரண்டுமே போட்டி போட்டுக் கொண்டு புதுப் புது சாதனைகளைப் படைத்துள்ளது. தமிழ் சினிமாவில் தற்போது வெளியாகும் வீடியோக்கள் அடுத்த கட்டமாக அதிகப் பார்வைகளைப் பெற ஆரம்பித்துள்ளன.

இந்த சாதனைகள் 'ஜெயிலர், லியோ' ஆகியவற்றின் டீசர் அல்லது டிரைலர் வரும் போது இன்னும் அதிகமான பார்வைகளைப் பெறும் என எதிர்பார்க்கப்படுகிறது.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி