Dinamalar

‛‛வாடிவாசல், வட சென்னை, விஜய் படம்'' : வெற்றிமாறன் தந்த அப்டேட்

விடுதலை படம் திரைக்கு வந்து வரவேற்பை பெற்றுள்ள நிலையில், அப்படத்தின் இரண்டாம் பாக பணிகளில் தற்போது ஈடுபட்டிருக்கிறார் வெற்றிமாறன். வாடிவாசல் என்ற படத்தில் சூர்யாவும், வெற்றிமாறனும் இணைய இருப்பதாக கடந்த 2020 ஆம் ஆண்டே அறிவிக்கப்பட்டது. அதையடுத்து அப்படத்துக்கான டெஸ்ட் சூட் ஒன்று நடத்தப்பட்டது. அதில் ஜல்லிக்கட்டு வீரர்களுடன் களமிறங்கும் சூர்யா காளையுடன் மல்லுக்கட்டும் காட்சி ஒன்று படமாக்கப்பட்டது. அதை சூர்யாவின் கடந்த ஆண்டு பிறந்த நாளின் போது வெளியிட்டார்கள். அதன்பிறகு அப்படம் குறித்த எந்த அப்டேட்களும் வெளியாகவில்லை.

இந்த நிலையில் சென்னையில் ஒரு நிகழ்ச்சியில் கலந்து கொண்ட வெற்றிமாறனிடத்தில் வாடிவாசல் படம் குறித்து கேட்கப்பட்ட கேள்விக்கு ஒரு அப்டேட் கொடுத்துள்ளார். அதில், தற்போது வாடிவாசல் பாடத்தின் அனிமேட்ரானிக்ஸ் வேலைகள் லண்டனில் நடைபெற்று வருகிறது. அதனால் விடுதலை படத்தின் இரண்டாம் பாகத்தின் பணிகள் முடிந்ததும் வாடிவாசல் படம் தொடங்கப்படும். தற்போது சூர்யா பயிற்சி எடுத்து வரும் ஜல்லிக்கட்டு காளை போன்று, ரோபோ காளை ஒன்றையும் தான் உருவாக்கி வருவதாகவும், அதற்கான வேலைகள் நடப்பதாகவும் தெரிவித்திருக்கிறார் வெற்றிமாறன்.

அதனால் விடுதலை-2 படத்திற்கு பிறகு சூர்யா- வெற்றிமாறன் இணையும் வாடிவாசல் படம் தொடங்கப்படும் என்பது தற்போது உறுதியாகி இருக்கிறது. மேலும் இதே நிகழ்வில் பேசிய வெற்றிமாறன், ‛‛நிச்சயம் வட சென்னை 2 படம் உருவாகும். அதேப்போன்று வாய்ப்பு அமையும் போது நிச்சயம் விஜய்யை வைத்து படம் இயக்குவேன்'' என்றார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்