தண்டட்டி வெளியீட்டிற்கு முன்பாக நடந்த அண்டாவ காணோம் பத்திரிகையாளர் காட்சி - Andava kaanom Press show screened before the release of Thandati

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'தண்டட்டி' வெளியீட்டிற்கு முன்பாக நடந்த 'அண்டாவ காணோம்' பத்திரிகையாளர் காட்சி

14 ஜூன், 2023 - 11:38 IST

எழுத்தின் அளவு:

வேல்மதி இயக்கத்தில் ஸ்ரேயா ரெட்டி முதன்மைக் கதாபாத்திரத்தில் நடித்த படம் 'அண்டாவ காணோம்'. 2017ம் ஆண்டிலேயே இப்படத்தின் டிரைலர் வெளியானது. சில முறை வெளியீட்டுத் தேதி அறிவிக்கப்பட்டாலும் வெளியாகாமல் வெளியீடு தள்ளிப் போய்க் கொண்டே இருக்கிறது.

இந்நிலையில் ராம் சங்கையா இயக்கத்தில் பசுபதி நடித்துள்ள 'தண்டட்டி' படத்தின் கதையும், 'அண்டாவ காணோம்' படத்தின் கதையும் ஒன்றுதான் என 'அண்டாவ காணோம்' படத்தின் தயாரிப்பாளர் ஜே சதீஷ்குமார் குற்றம் சாட்டி இருந்தார். அப்படியிருந்தால் 'தண்டட்டி' படத்தை வெளியிட தடை விதிக்கும்படியும் தமிழ்த் திரைப்பட தயாரிப்பாளர் சங்கத்திற்கு கடிதம் எழுதியிருந்தார்.

'தண்டட்டி' படம் அடுத்த வாரம் ஜுன் 23ம் தேதி வெளியாக உள்ளது. இந்நிலையில் 'அண்டாவ காணோம்' படத்தை நேற்றே பத்திரிகையாளர்களுக்குத் திரையிட்டுக் காட்டினார் தயாரிப்பாளர். 'தண்டட்டி' படத்தைப் பார்ப்பதற்கு முன்பாக 'அண்டாவ காணோம்' படத்தைப் பார்த்தால்தான் இரண்டு கதையும் ஒன்றாக இருப்பது தெரிய வரும் என்பதற்காகத்தான் இந்த ஏற்பாடு. 'அண்டாவ காணோம்' படம் வெளிவர இன்னும் ஒரு மாத காலம் ஆகலாம், அதுவரை படத்தின் விமர்சனத்தையும் வெளியிட வேண்டாம் என்றும் நேற்று கேட்டுக் கொண்டார்கள்.

இந்த கதை சர்ச்சை குறித்து 'தண்டட்டி' தரப்பிலிருந்து இதுவரை எதையும் தெரிவிக்கவில்லை.

Andavakaanom

Thandatti

கருத்துகள் (0) கருத்தைப் பதிவு செய்ய

பொம்மை - ஹாலிவுட் பட காப்பியா, ...

'விக்ரம் ரதோட்' ஆக மாறிய ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய