Dinamalar

'தண்டட்டி, தங்கப் பொண்ணு' - ரோகிணி மகிழ்ச்சி

அறிமுக இயக்குனர் ராம் சங்கையா இயக்கத்தில், பசுபதி, ரோகிணி, விவேக் பிரசன்னா மற்றும் பலர் நடித்த 'தண்டட்டி' படம் கடந்த மாதம் வெளிவந்தது. விமர்சகர்களின் பாராட்டுக்களைப் பெற்றாலும் இந்தப் படத்தைப் பார்க்க அதிக ரசிகர்கள் தியேட்டர்கள் பக்கம் வரவில்லை. படத்தின் வசூல் மிகக் குறைவாக இருந்ததாகவே தியேட்டர் வட்டாரங்கள் தெரிவித்தன.

இந்நிலையில் இப்படம் கடந்த வெள்ளியன்று ஓடிடி தளத்தில் வெளியானது. யதார்த்தமான படங்களை விரும்பிப் பார்க்கும் ரசிகர்கள் தற்போது ஓடிடி தளத்தில் படத்தைப் பார்த்து பாராட்டி வருகிறார்கள். படத்தில் வயதான பாட்டியாக 'தங்கப் பொண்ணு' என்ற முக்கிய கதாபாத்திரத்தில் நடித்துள்ள ரோகிணி அப்படி ஒரு பாராட்டைப் பகிர்ந்து, “'தண்டட்டி' படம் ஓடிடியில் வெளியானதும், அதிகமாக கவர்ந்திருப்பது மகிழ்ச்சி. நான் முன்பே சொன்னது போல தங்கப்பொண்ணு என் திரை வாழ்வில் முக்கியமான கதாபாத்திரம், நன்றி” எனக் குறிப்பிட்டுள்ளார்.

தியேட்டர்களில் வரவேற்பைப் பெறாமல், பின் ஓடிடி தளத்தில் வெளியாகி வரவேற்பைப் பெறும் படங்களின் வரிசையில் 'தண்டட்டி' படமும் சேர்ந்துள்ளது.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!