Dinamalar

கிறிஸ்டோபர் நோலனின் 'ஓப்பன்ஹெய்மர்' : ஜூலை 21ல் வெளியாகிறது

அவதார், அவென்ஜர் படங்கள் போன்று உலகம் முழுக்க அடுத்து எதிர்பார்க்கப்படும் ஹாலிவுட் படம் 'ஓப்பன் ஹெய்மர்'. இதனை கிறிஸ்டோபர் நோலன் இயக்கி உள்ளார். மெமன்டோ, தி ப்ரஸ்டீஜ், இன்செப்ஷன், இன்டர்ஸ்டெல்லர், டெனெட் உள்ளிட்ட உலக புகழ்பெற்ற படங்களை இயக்கியவர். இவரது படங்கள் பார்த்த உடன் பிடிக்காது, பார்க்க பார்க்கத்தான் பிடிக்கும், புரியும் என்பதுதான் இவருக்கான ஸ்பெஷல்.

தற்போது இவர் இயக்கி உள்ள 'ஓப்பன் ஹெய்மர்' என்பது அணுகுண்டு சோதனை பற்றிய படம். அணுகுண்டை கண்டுபிடிக்கும் விஞ்ஞானி அதன்பிறகு அது வெடித்தால் எத்தனை பேர் சாவார்கள் என யோசித்து அதனால் பெரும் மன உளைச்சலுக்கு ஆளாகி தவிப்பது மாதிரியான கதை. இரண்டாம் உலகப் போரின்போது அணுகுண்டு தயாரிக்க உதவிய அமெரிக்க விஞ்ஞானி ஜே.ராபர்ட் ஒப்பன்ஹெய்மரைப் பற்றிய படம். இந்த படத்திற்காக போலியாக அணுகுண்டை வெடிக்கச் செய்து படமாக்கியபோது அது திருப்தி அளிக்காத நிலையில் அரசின் அனுமதியுடன் நிஜ அணுகுண்டை வெடிக்கச் செய்து படமாக்கியுள்ளார்.

இப்படத்தில் ஹாலிவுட் நடிகர் சிலியன் மர்பி நடிக்கிறார். அயர்ன்மேன் புகழ் ராபர்ட் டௌனி, எமிலி பிளன்ட், மேட் டேமன், ப்ளோரன்ஸ் நடித்துள்ளனர். இப்படம் வருகிற ஜூலை 21-ம் தேதி திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...