Dinamalar

புதிய பிசினஸ் தொடங்கிய காஜல் அகர்வால்

பாலிவுட்டில் இருந்து தமிழ் சினிமாவுக்கு வந்தவர் காஜல் அகர்வால். 'பொம்மலாட்டம்' படத்தில் அறிமுகமானார். அதன் பிறகு பழனி, மோதி விளையாடு, நான் மகான் அல்ல, மாற்றான், துப்பாக்கி, ஆல் இன் ஆல் அழகுராஜா, ஜில்லா, மாரி, பாயும்புலி, விவேகம், மெர்சல் உள்ளிட்ட பல படங்களில் நடித்து இருக்கிறார். தென்னிந்திய சினிமாவின் முன்னணி நடிகை ஆனார். கடைசியாக தமிழில் அவர் நடிப்பில் 'கோஷ்டி' படம் வெளியானது. தற்போது கமல்ஹாசனுடன் இந்தியன் 2 படத்தில் நடித்து வருகிறார்.

காஜல் அகர்வால் 2020ல் தொழில் அதிபர் கவுதம் கிச்சலுவை காதலித்து திருமணம் செய்துகொண்டார். இவர்களுக்கு ஒரு ஆண் குழந்தை உள்ளது. இந்த நிலையில் காஜல் அகர்வால் சொந்தமாக 'காஜல் பை காஜல்' என்ற பெயரில் அழகு சாதனப்பொருள் நிறுவனம் ஒன்றை தொடங்கி இருக்கிறார்.

காஜல் கூறுகையில், “என் கணவர் உதவி இல்லாமல் இந்த தொழிலை என்னால் தொடங்கி இருக்க முடியாது. அவர்தான் என்னை ஊக்கப்படுத்தினார். எப்போதும் ஒரே வருமானத்தை நம்பி இருக்க கூடாது என்று அவர்தான் அடிக்கடி சொல்வார். அழகு சாதன பொருட்களில் முக்கியமானது கண் அழகு சாதனங்கள் தான். அவை பாதுகாப்பானதாக இல்லை என்றால் பல பிரச்னைகள் ஏற்படும். இதனால் பாதுகாப்பான கண் அழகு சாதன பொருட்களை மக்களிடம் கொண்டு சேர்க்கும் விதமாக இதனை தொடங்கி உள்ளேன்” என்று காஜல் அகர்வால் தெரிவித்து உள்ளார்.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  மீண்டும் தனுஷூடன் இணையும் சாய் பல்லவி!
• 
  'தி ராஜா சாப்' படத்தில் சிறப்பு தோற்றத்தில் கயல் ஆனந்தி!
• 
  புதிதாக மூன்று படங்களை ஒப்பந்தம் செய்த ரியோ ராஜ்!
• 
  தேசிய விருது கிடைத்தால் மகிழ்ச்சி: துல்கர் சல்மான்
• 
  முதல் முறையாக ரவி தேஜா உடன் இணையும் சமந்தா!