Dinamalar

'அவதார்' இயக்குனர் ஜேம்ஸ் கேமரூன் வருமானம் எவ்வளவு தெரியுமா ?

ஹாலிவுட்டின் பிரபல இயக்குனரான ஜேம்ஸ் கேமரூன் அவரது 'த டெர்மினேட்டர், ஏலியன்ஸ், ட்ரூ லைஸ், டைட்டானிக், அவதார்' ஆகிய படங்களின் மூலம் உலக அளவில் உள்ள சினிமா ரசிகர்களின் மனதில் இடம் பிடித்த ஒருவர்.

பிரபல பத்திரிகையான போர்ப்ஸ் சமீபத்தில் “உலக அளவில் 2022ம் வருடம் அதிகம் சம்பாதித்த கலைஞர்கள்” பற்றிய டாப் 10 பட்டியலை வெளியிட்டுள்ளது. அதன்படி பிரபல இசைக்குழுவான இங்கிலாந்து நாட்டைச் சேர்ந்த 'ஜெனிசிஸ்' 230 மில்லியன் யுஎஸ் டாலர், அதாவது இந்திய ரூபாய் மதிப்பில் 1905 கோடி வருமானத்தைப் பெற்று முதலிடத்தில் உள்ளது. ஹாலிவுட் நடிகரான பிராட் பிட் 100 மில்லியன் யுஎஸ் டாலர், இந்திய ரூபாய் மதிப்பில் 828 கோடி ரூபாய் பெற்று 6ம் இடத்தில் உள்ளார்.

'அவதார்' இயக்குனர் ஜேம்ஸ் கேமரூன் 95 மில்லியன் யுஎஸ் டாலர், இந்திய ரூபாய் மதிப்பில் 787 கோடி ரூபாய் வருமானத்தைப் பெற்று 7ம் இடத்தைப் பிடித்துள்ளார். இதன் மூலம் உலக அளவில் உள்ள திரைப்பட இயக்குனர்களில் அதிக வருமானத்தைப் பெறும் இயக்குனர் என்ற சாதனையைப் பெற்றுள்ளார். அவரது இயக்கத்தில் கடந்த வருடம் 'அவதார் 2' படம் வெளிவந்து 2.2 பில்லியன், இந்திய ரூபாய் மதிப்பில் சுமார் 18,227 கோடி ரூபாய் வசூலைக் கடந்துள்ளது. அடுத்து 'அவதார் 3' படம் 2024ம் ஆண்டு டிசம்பர் மாதம் வெளியாக உள்ளது.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!