Dinamalar

தம்பியின் பேச்சைக் கேட்டு கண்கலங்கிய அல்லு அர்ஜுன்

தெலுங்கு திரையுலகில் பிரபலமாக இருக்கும் தயாரிப்பாளர் அல்லு அரவிந்தின் மூன்று மகன்களில் இரண்டாவது மகன் அல்லு அர்ஜுன் அங்கே முன்னணி நடிகர்களில் ஒருவராக வலம் வருகிறார். அதேசமயம் அவரது இளைய மகன் தனது அண்ணனைப் போலவே தானும் நடிகராக மாறி சில படங்களில் நடித்து வந்தாலும் அவருக்கென மிகப்பெரிய அளவில் பிரேக் கிடைக்காமல் இருந்து வருகிறது. தமிழில் கூட ராதாமோகன் டைரக்ஷனில் கௌரவம் என்கிற படத்தில் நடித்திருந்தார் அல்லு சிரிஷ். இந்த நிலையில் சில தினங்களுக்கு முன்பு அல்லு சிரிஷ் நடிப்பில் வெளியான ஊர்வசிவோ ராட்சசிவோ என்கிற படம் மிகப்பெரிய அளவில் வெற்றி பெற்றுள்ளது.

இந்த படம் தமிழில் ஹரிஷ் கல்யாண் நடிப்பில் வெளியான பியார் பிரேமா காதல் படத்தின் ரீமேக் ஆகும். கதாநாயகியாக அனு இம்மானுவேல் நடித்துள்ளார். ராகேஷ் சசி என்பவர் இந்த படத்தை இயக்கியுள்ளார். இந்த நிலையில் இந்த படத்தின் வெற்றி கொண்டாட்டம் சமீபத்தில் நடைபெற்றது. இந்த நிகழ்வில் நடிகர் அல்லு அர்ஜுனும் கலந்து கொண்டார். மிகப்பெரிய வெற்றியை நீண்ட நாளைக்கு பிறகு ருசித்துள்ள படத்தின் ஹீரோ அல்லு சிரிஷ் இந்த நிகழ்வில் பேசும்போது ரொம்பவே உணர்ச்சிவசப்பட்டு பேசினார். அவர் பேசப்பேச, கீழே அமர்ந்து அதை கேட்டுக்கொண்டிருந்த அல்லு அர்ஜுன் நெகிழ்ந்துபோய் கண்கலங்கினார். இதுகுறித்த வீடியோ ஒன்று தற்போது சோசியல் மீடியாவில் வைரலாக பரவி வருகிறது.

• 
  மம்முட்டி தயாரித்துள்ள குறும்படத்தில் கதாநாயகியாக மஞ்சு வாரியர்
• 
  ஷாருக்கானின் 60வது பிறந்தநாளில் வெளியான கிங் படத்தின் டீசர்!
• 
  வாரிசு பட இயக்குனரின் அடுத்த படத்தில் நடந்த ட்விஸ்ட்!
• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு

• 
  தன்னுடைய பெயரில் ரசிகர் நடத்தும் ஹோட்டலுக்கு அனுமதி அளித்த சிரஞ்சீவி
• 
  பஸ் விபத்து எதிரொலி ; மீனாட்சி சவுத்ரி போஸ்டர் வெளியீட்டை தள்ளிவைத்த நாக ...
• 
  சீனியர் நடிகர் மதுவை நேரில் சென்று சந்தித்த மம்முட்டி
• 
  ரசிகர் கொலை வழக்கில் நவ-6ல் நடிகர் தர்ஷன் உள்ளிட்ட அனைவரிடமும் வீடியோ ...
• 
  கேரள மாநில திரைப்பட அகாடமி தலைவராக ரசூல் பூக்குட்டி தேர்வு