Dinamalar

சிரஞ்சீவியின் 'காட் பாதர்': நல்ல விமர்சனம் வந்தும் வசூல் குறைவு

மலையாளத்தில் மோகன்லால் நடித்து சூப்பர் ஹிட்டான 'லூசிபர்' படத்தைத் தெலுங்கில் சிரஞ்சீவி நடிக்க 'காட்பாதர்' என்ற பெயரில் ரீமேக் செய்து நேற்று வெளியிட்டார்கள். படத்திற்கு நேற்றே நல்ல விமர்சனங்கள் வர ஆரம்பித்தது. ஆனால், முதல் நாள் வசூல் எதிர்பார்த்த அளவு இல்லை என தெலுங்கு பாக்ஸ் ஆபீஸ் வட்டாரங்கள் தெரிவிக்கின்றன.

உலக அளவில் 38 கோடியும், தெலுங்கு மாநிலங்களான ஆந்திரா, தெலங்கானாவில் 20 கோடியும் மட்டுமே இந்தப் படம் வசூலித்துள்ளதாகத் தகவல் வெளியாகி உள்ளது. இப்படத்திற்கான உலக அளவிலான தியேட்டர் வியாபாரம் சுமார் 90 கோடி வரை நடந்துள்ளதாகத் தெரிவிக்கிறார்கள். சுமார் 120 கோடி வரை வசூலித்தால் மட்டுமே இந்தப் படம் வெற்றிப் படமாக அமையுமாம்.

அரசியலில் ஈடுபட்டதால் சில வருடங்கள் சினிமாவிலிருந்து ஒதுங்கி இருந்தார் சிரஞ்சீவி. அதற்குப் பிறகு அவர் விஜய் நடித்து தமிழில் வெளிவந்த 'கத்தி' படத்தின் தெலுங்கு ரீமேக்கான 'கைதி நம்பர் 1' மூலம் மீண்டும் வெற்றிகரமாக ரீ என்ட்ரி ஆனார். ஆனாலும், அதற்குப் பிறகு அவர் நடித்து வெளிவந்த படங்கள் பிரம்மாண்டமாகத் தயாரானாலும் வெற்றிப் படங்களாக அமையவில்லை. 'சைரா நரசிம்ம ரெட்டி, ஆச்சார்யா' ஆகிய இரண்டு படங்களும் தோல்வியைத் தான் தழுவியது.

'காட் பாதர்' படத்திற்கு பாசிட்டிவ்வாக விமர்சனங்கள் வந்ததால் வசூலைக் குவிக்கும் என்று எதிர்பார்த்தார்கள். ஆனால், முதல் நாள் வசூல் குறைவாக இருப்பது கவலையை அளித்துள்ளதாம். ரீ என்ட்ரிக்குப் பிறகு வெளிவந்த சிரஞ்சீவி படங்களில் இந்தப் படம்தான் தெலுங்கு மாநிலங்களில் குறைவான வசூலைக் கொடுத்துள்ளதாம்.

• செய்திகள்
• ஆல்பம்
• வந்த படங்கள்

• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்

• 
  மம்முட்டியின் களம்காவல் படத்தில் 22 கதாநாயகிகள்
• 
  துல்கர் சல்மானுக்கு தான் விருது கிடைத்திருக்க வேண்டும் : நடிகர் விநாயகன் ...
• 
  நடிகர் திலீப்பின் ராசி... தர்ஷனுக்கும் கை கொடுக்குமா? டிசம்பர் 11ல் தெரியும்
• 
  மோகன்லாலை மீண்டும் இயக்கும் தொடரும் பட இயக்குனர் : அதிகாரப்பூர்வ ...
• 
  நீதிமன்றத்தில் நேரில் ஆஜராகி ஆதாரங்களை சமர்ப்பித்த நிவின்பாலி