Dinamalar

முழங்கால் வலிக்கு டாக்டரிடம் சிகிச்சை பெற்ற ராஷ்மிகா

நடிகை ராஷ்மிகா தற்போது தென்னிந்திய அளவில் மட்டுமல்லாது பாலிவுட்டிலும் கால்பதித்து மிக பிஸியான நடிகையாக வலம் வருகிறார். தற்போது தெலுங்கில் உருவாகும் வாரிசு படத்தில் விஜய்யுடன் நடித்து வரும் அவர் ஹிந்தியில் குட்பை மற்றும் மிஷன் மஞ்சு ஆகிய படங்களில் நடித்துள்ளார். இதில் குட்பை திரைப்படம் அக்-17ஆம் தேதி வெளியாக இருக்கிறது. இந்த நிலையில் அந்த படத்தின் புரமோஷன் நிகழ்ச்சிகளுக்காக மும்பை ஐதராபாத் என பறந்து கொண்டிருக்கிறார் ராஷ்மிகா மந்தனா. இந்த நிலையில் கடந்த சில நாட்களாகவே முழங்கால் வலியால் அவதிப்பட்டு வருகிறார் ராஷ்மிகா.

இதைத்தொடர்ந்து விஜயவாடாவில் உள்ள பிரபல மூட்டுவலி சிகிச்சை நிபுணர் டாக்டர் கவுரவ் ரெட்டி என்பவரை சந்தித்து சிகிச்சை பெற்றுள்ளார் ராஷ்மிகா. இந்த தகவலை வெளியிட்டுள்ள டாக்டர் கவுரவ் ரெட்டி, “நான் ராஷ்மிகாவிடம் பேசும்போது நீங்கள் நடனமாடும்போது உங்கள் மொத்த எடையையும் முழங்காலில் இறக்கி வைத்து விடுவதால் இப்படி கால்வலி வருகிறது என விளையாட்டாக கூறினேன். மற்றபடி புஷ்பா படத்தில் சாமி சாமி பாடல் பாடலுக்கு அவர் நடனம் ஆடியதை பாராட்டினேன். ராஷ்மிகாவை தொடர்ந்து அடுத்ததாக தோள்பட்டை வலியுடன் அல்லு அர்ஜுனும் விரைவில் என்னிடம் வருவார் என எதிர்பார்க்கிறேன்” என்று நகைச்சுவையாக கூறியுள்ளார் டாக்டர் கவுரவ் ரெட்டி.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்