Dinamalar

அதே படம்... அப்பா இசையமைத்த மற்றொரு ஹிட் பாடலை பயன்படுத்திய யுவன்

பழைய பாடல்களை ரீ-மிக்ஸ் செய்வது அவ்வப்போது நடந்து கொண்டே இருக்கிறது. இளையராஜாவின் பல பாடல்களை பல இசையமைப்பாளர்கள் ரீ-மிக்ஸ் செய்துள்ளனர். இசையமைப்பாளர் யுவன் ஷங்கர் ராஜாவும் தன் தந்தை இளையராஜா இசையமைத்த பாடல்களை தொடர்ந்து அவர் இசையமைக்கும் படங்களில் பயன்படுத்தி வருகிறார்.

சுந்தர்.சி இயக்கத்தில் ஜீவா, ஜெய், ஸ்ரீகாந்த், அம்ரிதா ஐயர், மாளவிகா சர்மா, ரைசா வில்சன், ஐஸ்வர்யா தத்தா, டிடி, யோகி பாபு உள்ளிட்டோர் நடிப்பில் உருவாகி வரும் படம் ‛காபி வித் காதல்'. இந்த படத்திற்கு யுவன் ஷங்கர் ராஜா இசையமைக்கிறார். நீண்ட இடைவெளிக்கு பின் சுந்தர் சி இயக்கும் படத்திற்கு யுவன் இசையமைக்கிறார்.

காதல், காமெடி கலந்த படமாக உருவாகி வரும் இந்த படத்தின் முதல் பாடலான ‛ரம் பம் பம்' என்ற பாடலை இன்று மாலை வெளியிடுகின்றனர். இதற்கான புரொமோ வீடியோ வெளியாகி உள்ளது. ஏற்கனவே இளையராஜா இசையமைத்த ‛மைக்கேல் மதன காமராசன்' படத்தில் இடம் பெற்ற ‛ரம் பம் பம் ஆரம்பம்...' பாடல் தான் இது.

கமல் நடிப்பில் இளையராஜா இசையில் வெளியான மைக்கேல் மதன காமராசன் படத்தில் இடம் பெற்ற சூப்பர் ஹிட் பாடலான ‛பேரு வச்சாலும் வைக்காம போனாலும் மல்லி வாசம்' என்ற பாடலை சந்தானம் நடித்த டிக்கிலோனா படத்திற்காக பயன்படுத்தினார் யுவன். இந்த பாடலுக்கு நல்ல வரவேற்பு கிடைத்தது. அதே பாணியில் இப்போது இதே படத்தில் இடம் பெற்ற மற்றொரு ஹிட் பாடலான ரம் பம் பம் ஆரம்பம்... என்ற பாடலையும் சுந்தர் சி படத்திற்காக அப்பா இளையராஜா அனுமதி உடன் பயன்படுத்தி உள்ளார் யுவன். இந்த பாடலுக்கு நல்ல வரவேற்பு கிடைக்கும் என எதிர்பார்க்கப்படுகிறது.

• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்
• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'

• 
  நேரடியாக ஓடிடியில் வெளியாகும் கீர்த்தி சுரேஷ் படம்
• 
  22 ஆண்டு காத்திருப்பு : விஷ்ணு மஞ்சு நெகிழ்ச்சி
• 
  யாருக்கு யார் வில்லன்? மோகன்லால் மோகன்பாபு போட்டாபோட்டி
• 
  லண்டனில் கங்குலியுடன் சந்திப்பு ; பிரமித்து விலகாத நவ்யா நாயர்
• 
  'தி ராஜா சாப்' டீசர் : ஹிந்தி, தெலுங்கு பார்வைகளில் போட்டி