Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

25 வருடங்களை நிறைவு செய்த 'சூர்ய வம்சம்'

27 ஜூன், 2022 - 10:54 IST
எழுத்தின் அளவு:
Suryavamsam-completed-25-years

விக்ரமன் இயக்கத்தில், எஸ்.எ.ராஜ்குமார் இசையமைப்பில், இரு வேடங்களில் சரத்குமார், தேவயானி, ராதிகா, பிரியா ராமன், மணிவண்ணன், சுந்தர்ராஜன், ஆனந்தராஜ் மற்றும் பலர் நடித்து வெளிவந்த படம் 'சூர்ய வம்சம்'. இப்படம் வெளிவந்து இன்றுடன் 25 ஆண்டுகள் நிறைவடைகிறது.

சரத்குமார் நடித்து வெளிவந்த வெற்றிப் படங்களில் நல்ல வசூலைக் குவித்த படங்களில் இதுவும் ஒன்று. தெலுங்கில் வெங்கடேஷ், மீனா நடிக்க 'சூர்யா வம்சம்' என்ற பெயரிலும், ஹிந்தியில் அமிதாப்பச்சன், சௌந்தர்யா நடிக்க 'சூர்ய வன்ஷம்' என்ற பெயரிலும், கன்னடத்தில் விஷ்ணுவர்தன், இஷா கோபிகர் நடிக்க 'சூர்ய வம்சா' என்ற பெயரிலும், இப்படம் ரீமேக் செய்யப்பட்டது. மூன்று மொழிகளிலுமே படம் வெற்றி பெற்றது.

கிராமத்தில் மதிப்புமிக்க பெரிய குடும்பம் சரத்குமாருடையது. சரத்குமாரின் மகன் சரத்குமார் அதிகம் படிக்காதவர். சரத்குமாரின் சகோதரியைத் திருமணம் செய்து கொள்கிறார் தேவயானியின் சகோதரர். குடும்பத்தில் அனைவரும் மகன் சரத்குமாரை ஒதுக்குவது தெரிந்து அவர் மீது காதல் கொள்கிறார் தேவயானி. இருவரும் அப்பா சரத்குமாரின் அனுமதி இல்லாமல் திருமணம் செய்து கொள்ள அவர்களை வீட்டிற்குள் சேர்க்க மறுக்கிறார் அப்பா. மகன் சரத்குமார், தேவயானி இருவரும் தனியாக வீடு பார்த்து வசிக்கிறார்கள். தேவயானி படித்து அந்த மாவட்டத்திற்கே கலெக்டராக வருகிறார். அவரது சரத்குமார் தொழில் செய்து முன்னேறி தொழிலதிபராகிறார். அப்பா, மகன் இடையிலான விரோதம் முடிவுக்கு வந்ததா இல்லையா என்பதுதான் படத்தின் மீதிக் கதை.

இரு வேடங்களில் சரத்குமார் சிறப்பாக நடித்த படம். அப்பா சரத்குமார் கோபக்காரராகவும், மகன் சரத்குமார் அமைதியானவராகவும் நடித்த படம். சரத்குமார் - தேவயானி ஜோடி பொருத்தமான வெற்றி ஜோடி என இப்படத்தில் பெயரெடுத்தது.

எஸ்ஏ ராஜ்குமார் இசையில் “ரோசாப்பூ, சலக்கு சலக்கு, நட்சத்திர ஜன்னலில், திருநாளு தேரழகா' ஆகிய அனைத்துப் பாடல்களும் சூப்பர் ஹிட்டானது. விக்ரமனின் இயக்கத்தில் படத்தில் இடம் பெற்ற சென்டிமென்ட் காட்சிகள் அன்றைய ரசிகர்களை வெகுவாகக் கவர்ந்தது. 25 வாரங்கள் ஓடி வெள்ளிவிழா கண்ட படம் 'சூர்ய வம்சம்'.

Advertisement
கருத்துகள் (0) கருத்தைப் பதிவு செய்ய
30 வருடங்களை நிறைவு செய்த 'அண்ணாமலை'30 வருடங்களை நிறைவு செய்த 'அண்ணாமலை' ஷாரூக்கின் 'ஜவான்' படப்பிடிப்பில் நயன்தாரா ஷாரூக்கின் 'ஜவான்' படப்பிடிப்பில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Coffee with Kadhal
    • காபி வித் காதல்
    • நடிகர் : ஜீவா ,
    • நடிகை : மாளவிகா சர்மா ,அம்ரிதா
    • இயக்குனர் :சுந்தர்.சி
    Tamil New Film Sardar
    • சர்தார்
    • நடிகர் : கார்த்தி
    • நடிகை : ராஷி கண்ணா
    • இயக்குனர் :பிஎஸ் மித்ரன்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    dinamalar advertisement tariff

    Tweets @dinamalarcinema

    Advertisement
    Copyright © 2022 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in