Dinamalar

புது வீட்டிற்கு குடி போகும் விக்கி - நயன்தாரா

தமிழ் சினிமாவில் மட்டுமல்ல, இந்தியா சினிமாவில் இந்த வாரம் பரபரப்பை ஏற்படுத்திய திருமணமாக நயன்தாரா, விக்னேஷ் சிவன் திருமணம் அமைந்தது. சென்னையில் இரு தினங்களுக்கு முன்பு நடைபெற்ற அவர்களது திருமணத்தில் பல சினிமா பிரபலங்கள் கலந்து கொண்டு வாழ்த்தினர்.

சில பல வருடங்களாகக் காதலித்து வந்த நயன்தாரா, விக்னேஷ் சிவன் தங்கள் திருமணத்தை முன்னிட்டு இருவரும் ஒருவருக்கொருவர் பல கோடி மதிப்புள்ள பரிசுகளை பரிமாறிக் கொண்டுள்ளனர். நயன்தாராவிற்காக விக்னேஷ் சிவன் 5 கோடி மதிப்புள்ள வைர மோதிரம், 3 கோடி ரூபாய் மதிப்புள்ள தங்க நகைகளை பரிசளித்துள்ளாராம். அது போல நயன்தாரா திருமணத்திற்கு முன்பே விக்னேஷ் சிவனுக்காக 20 கோடி ரூபாய் மதிப்புள்ள புதிய பங்களா ஒன்றை வாங்கி, அதை திருமணப் பரிசாகக் கொடுத்தாராம். இப்படி நேற்று முதலே செய்தி சுற்றிக் கொண்டிருக்கிறது.

விக்னேஷ் சிவன் இயக்கத்தில் இதுவரை வெளிவந்த படங்களில் 'நானும் ரௌடிதான், காத்து வாக்குல ரெண்டு காதல்' ஆகிய படங்கள்தான் குறிப்பிடத்தக்க வெற்றியைப் பெற்றுள்ளது. அவரது முதல் படமான 'போடா போடி' ஓடவில்லை. சூர்யா நடித்த 'தானா சேர்ந்த கூட்டம்' படமும் வியாபார ரீதியாக தோல்வியைத் தழுவிய படமாக அமைந்தது. அதற்குள் விக்னேஷ் சிவன் 10 கோடி வரை சம்பாதித்து தனது மனைவி நயன்தாராவிற்கு பரிசளித்தார் என்பதெல்லாம் நம்பும்படியாக இல்லை என்று கோலிவுட்டில் கிசுகிசுக்கிறார்கள்.

நயன்தாரா புதிதாக 20 கோடியில் வீடு வாங்கினார் என்பதை வேண்டுமானால் நம்பலாம் என்கிறார்கள். இந்த புது வீட்டிற்கு புதுமணத் தம்பதியினர் விரைவில் குடியேறுவார்கள் எனத் தெரிகிறது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்
• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது