Dinamalar

அடுத்தடுத்தநாளில் தமிழ் தெலுங்கில் வெளியாகும் சமுத்திரக்கனியின் இரண்டு படங்கள்

இயக்குனர் என்பதைவிட ஒரு நடிகராக சமுத்திரக்கனிக்கு சினிமாவில் நல்ல வரவேற்பும் மார்க்கெட்டும் இருக்கிறது. அதனால் ஒரு பக்கம் கதையின் நாயகனாக நடித்துக் கொண்டு இன்னொரு பக்கம் குணசித்திர கதாபாத்திரங்களில் நடித்து வருகிறார் சமுத்திரக்கனி. தமிழில் மட்டுமல்லாது தெலுங்கிலும் அவருக்கு முக்கியத்துவம் கொடுக்கும் கதாபாத்திரங்களை தர இயக்குனர்கள் தயாராக இருக்கின்றனர்.

கடந்த மாதங்களில் வெளியான பீம்லா நாயக், ஆர்ஆர்ஆர் ஆகிய படங்களில் கூட முக்கிய வேடங்களில் சமுத்திரக்கனி நடித்திருந்தார். அந்தவகையில் வரும் மே 13ம் தேதி தமிழ் மற்றும் தெலுங்கில் சமுத்திரக்கனி நடித்துள்ள முக்கியமான இரண்டு படங்கள் வெளியாக இருக்கின்றன.

இதில் தமிழில் சிபிச்சக்கரவர்த்தி இயக்கத்தில் சிவகார்த்திகேயன் கதாநாயகன் நடித்துள்ள டான் திரைப்படத்தில் சிவகார்த்திகேயனின் தந்தையாக முக்கிய வேடத்தில் நடித்துள்ளார் சமுத்திரக்கனி. ரஜினிமுருகன், நம்மவீட்டுப்பிள்ளை படங்களை தொடர்ந்து இவர்கள் இணைந்து நடிக்கும் மூன்றாவது படம் இது. அதேபோல தெலுங்கில் மகேஷ்பாபு, கீர்த்தி சுரேஷ் நடிப்பில் உருவாகியுள்ள சர்க்காரு வாரி பாட்டா படத்திலும் முக்கிய வேடத்தில் நடித்துள்ளார் சமுத்திரக்கனி. பரசுராம் இயக்கியுள்ள இந்தப் படமும் வரும் மே 12ஆம் தேதி வெளியாக இருக்கிறது

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  சினிமாவில் எதுவும் நிரந்தரமில்லை! : நந்திதா
• 
  அனுஷ்கா பிறந்தநாளில் வெளியான 'கதனார்' படத்தின் அழகிய போஸ்டர்!
• 
  யஷ் படத்துடன் மோதுவதில் பயமில்லை : தெலுங்கு இளம் ஹீரோ தில் பேச்சு
• 
  ராஜமவுலி, மகேஷ்பாபு படத்திலிருந்து வெளியான பிரித்விராஜ் முதல்பார்வை
• 
  கமலின் 'நாயகன்' படத்தின் ரீரிலீஸுக்கு தடை விதிக்க மறுத்த நீதிமன்றம்!