ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
கடந்த 2 ஆண்டுகளாகவே பரத்க்கு சொல்லிக் கொள்ளும் அளவுக்கு எந்த படமும் இல்லை. தற்போது அவர் முன்பு நடித்து கிடப்பில் கிடந்த கில்லாடி படம் வெளிவர இருக்கிறது. அதைத் தொடர்ந்து சசி இயக்கத்தில் பரத் நடிக்கும் 555 படம் வெளிவர இருக்கிறது. 555 படத்துக்காக பரத் நீண்ட தலைமுடி வளர்த்து, சிக்ஸ் பேக்ஸ் வைத்து கடுமையாக உழைத்து வருவதாக கூறப்பட்டது. படத்தின் கெட்-அப் வெளியே தெரியக்கூடாது என்பதற்காக சில காலம் வெளியில் வராமல்கூட இருந்தார். தற்போது படம் முடிந்து விட்டதால் பொது நிகழ்ச்சியில் கலந்து கொள்கிறார்.
இதுபற்றி பரத் கூறியதாவது: 555 படம் எனக்கு மிக முக்கியமான படம். இந்தப் படத்துக்காக 2 வருடம் கடுமையாக உழைத்திருக்கிறேன். எல்லோரையும் மிரள வைக்கிற மாதிரி ஒரு படம் நடிக்கணும்னு முடிவு பண்ணி நடிக்கிற படம் இது. படம் பற்றி இப்போது எதுவும் சொல்ல முடியாது. எனக்கு திருப்புமுனை வரும் படம் இது. கதைக்கு தேவை என்பதால் சிக்ஸ் பேக்ஸ் வைத்து நடித்தேன். இதுவரை பார்க்காத பரத்தை இதில் பார்க்கலாம். என் கேரியரை 555க்கு முன் 555க்கு பின் என்று இனி குறிப்பிடுவார்கள். என்றார்.