Dinamalar

ஸ்ரீதேவியாக மாறிய கவுரி கிஷன்

விஜய்சேதுபதி, திரிஷா நடிப்பில் வெளியான 96 படத்தில் இளம் வயது திரிஷாவாக நடித்தவர் கவுரி கிஷன். இந்த ஒரே படத்திலேயே தனது நடிப்பால் ரசிகர்களின் மனதில் ஒரு தனி இடத்தை பிடித்த கவுரி கிஷன், அதை தொடர்ந்து தெலுங்கிலும் ரீமேக்கான 96 படத்தில் தனது கேரக்டரில் மீண்டும் தானே நடித்தார். இந்தநிலையில் தற்போது தெலுங்கில் ஸ்ரீதேவி சோபன்பாபு என்கிற படத்தில் முதன்முறையாக கதாநாயகியாக அறிமுகமாகியுள்ளார் கவுரி கிஷன். சந்தோஷ் சோபன் கதாநாயகனாக நடித்துள்ளார்.

எண்பதுகளில் கிட்டத்தட்ட பத்து படங்களுக்கு மேல் இணைந்து நடித்த ஹிட் ஜோடி தான் ஸ்ரீதேவியும் சோபன்பாபுவும்.. அதனால் இந்தப்படத்திற்கு இவர்கள் இருவரின் பெயரையே டைட்டிலாக வைத்துள்ளார்கள்.. இந்த படத்தை சிரஞ்சீவியின் மூத்த மகள் சுஷ்மிதா தயாரித்துள்ளார். பிரசாந்த்குமார் திம்மலா என்பவர் இந்தப்படத்தை இயக்கியுள்ளார். இந்தப்படத்தின் டீசரை சமீபத்தில் நடிகை சமந்தா வெளியிட்டார்..

கிராமத்து இளைஞனாக சந்தோஷும், நகரத்து மாடர்ன் பெண்ணாக் கவுரியும் நடித்துள்ளனர். கிராமத்தில் உள்ள ஒரு வீடு யாருக்கு சொந்தம் என இவர்களுக்குள் ஏற்படும் மோதலை மையமாக வைத்து காமெடி கலந்து இந்தப்படம் உருவாகியுள்ளதாம்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்