50 சதவீதத்தை அமல்படுத்திய தியேட்டர்கள் : வலிமை வருமா? - 50 percent announcement in Theatres : Will Valimai release?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

50 சதவீதத்தை அமல்படுத்திய தியேட்டர்கள் : 'வலிமை' வருமா?

01 ஜன, 2022 - 01:25 IST

எழுத்தின் அளவு:

ஒமிக்ரான் வடிவத்தில் கொரோனா மூன்றாவது அலை தற்போது பரவி வருகிறது. இதனால் மத்திய அரசின் அறிவுறுத்தலின்படி பல மாநிலங்களில் தடுப்பு நடவடிக்கைகள் முன்னெடுக்கப்பட்டு வருகின்றன. தமிழகத்தில் தியேட்டர்களில் ஜனவரி 10ம் தேதி வரை 50 சதவீத இருக்கைகளுக்கு மட்டுமே அனுமதி வழங்கப்பட்டுள்ளது. இதை தியேட்டர்களில் உடனடியாக இன்று முதல் அமல்படுத்திவிட்டார்கள்.

ஆனாலும், இணைய முன்பதிவு தளங்களில் பார்க்கும் போது இன்னும் சில தியேட்டர்களில் 100 சதவீத இருக்கை அனுமதிக்கான வரைபடம் மட்டுமே காட்டப்படுகிறது. அதே சமயம், மல்டிபிளக்ஸ் தியேட்டர்களில் ஒரு இருக்கைக்கும் மற்றொரு இருக்கைக்கும் இடைவெளி விட்டுள்ள வரைபடம் இடம் பெற்றுள்ளது.

இன்னும் சில மாநிலங்களிலும் புதிய கட்டுப்பாடுகள் விதிக்கப்படும் என்று எதிர்பார்க்கப்படுகிறது. அதன் காரணமாக 'ஆர்ஆர்ஆர், ராதேஷ்யாம்' உள்ளிட்ட படங்களின் வெளியீடு தள்ளி வைக்கப்படும் எனத் தெரிகிறது. அஜித் நடித்துள்ள 'வலிமை' படத்தை ஜனவரி 13ம் தேதி வெளியிடுவதாக அறிவித்து போஸ்டரையும் வெளியிட்டுள்ளார்கள். கடந்த வருடம் விஜய் நடித்த 'மாஸ்டர்' படம் 50 சதவீத இருக்கை அனுமதியில் தான் வெளிவந்து வசூலில் சாதனை படைத்தது. எனவே, 'வலிமை' படத்தின் வெளியீட்டுத் தேதியில் மாற்றம் இருக்காது என்றே சொல்கிறார்கள்.

Valimai

Ajithkumar

Ajith

கருத்துகள் (0) கருத்தைப் பதிவு செய்ய

'ஆர்ஆர்ஆர், ராதேஷ்யாம்' வெளியீடு ...

காதலரை கட்டிப்பிடித்து புத்தாண்டை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய