Dinamalar

பிறந்தநாளில் சல்மான்கான் பெற்ற வீடு, கார், வாட்ச், செயின்

பாலிவுட்டின் பல கோடி சம்பளம் வாங்கும் முன்னணி நடிகர் சல்மான்கான். இரு தினங்களுக்கு முன்பு அவருடைய 56வது பிறந்தநாளைக் கொண்டாடினார். நவி மும்பை அருகில் உள்ள பான்வெல் என்ற ஊரில் சல்மானுக்கு சொந்தமாக பல ஏக்கர் பார்ம் அவுஸ் உள்ளது. கொரோனா காலங்களில் அவர் பெரும்பாலும் அங்குதான் தங்கியிருந்தார்.

இரண்டு தினங்களுக்கு முன்பு அவருடைய பார்ம் அவுஸில் பிறந்தநாள் பார்ட்டியும் நடத்தப்பட்டது. அதில் பாலிவுட் பிரபலங்கள் கலந்து கொண்டனர். அன்று காலை முதலே சல்மானுக்கு பல பிரபலங்கள் வாழ்த்துகளைத் தெரிவித்தனர்.

இதனிடையே, பிறந்தநாளை முன்னிட்டு சல்மானுக்கு பல பரிசுகள் கொடுக்கப்பட்டுள்ளது. அவருடைய அப்பா ஜுஹு கடற்கரைபகுதியில் 12 கோடி ரூபாய் மதிப்புள்ள அபார்ட்மென்ட் ஒன்றை வழங்கியுள்ளார். அவரது மைத்துனர் 75 ஆயிரம் மதிப்புள் தங்கச்சங்கிலியைக் கொடுத்துள்ளார். சல்மானின் சகோதரி அர்பிதாகான் 15 லட்ச ரூபாய் மதிப்புள்ள ரோலக்ஸ் வாட்சை பரிசாக வழங்கியுள்ளார்.

ஷில்பா ஷெட்டி 16 லட்ச ரூபாய் மதிப்புள்ள தங்க மற்றும் வைர பிரேஸ்லெட், அனில் கபூர் 27 லட்ச ரூபாய் மதிப்புள்ள லெதர் ஜாக்கெட், சஞ்சய் தத் 7 லட்ச ரூபாய் மதிப்புள்ள வைர பிரேஸ்லெட், நடிகை ஜாக்குலின் பெர்னாண்டஸ் 10 லட்ச ரூபாய் மதிப்புள்ள கோபார்ட் வாட்சி, காத்ரினா கைப் 2 லட்ச ரூபாய் மதிப்புள்ள தங்க பிரேஸ்லெட் வழங்கியதாக செய்திகள் வெளியாகி உள்ளது.

56 வயதான சல்மான் கான் இதுவரை திருமணம் செய்து கொள்ளாமல் இருக்கிறார். சில முன்னணி நடிகைகளுடன் காதல் என அதிகம் கிசுகிசுக்கப்பட்டவர் சல்மான் என்பது குறிப்பிடத்தக்கது.

• 
  அல்லு அர்ஜுன் - பிரசாந்த் நீல் கூட்டணியில் 'ராவணம்'
• 
  ராமாயணா டைட்டில் வீடியோ 9 நகரங்களில் வெளியாகிறது
• 
  நிவின் பாலி ஜோடியாக ப்ரீத்தி முகுந்தன்
• 
  'எம்ஜிஆரின் பரிசுத்த நினைப்பே படத்தின் தலைப்பு'... “திருடாதே”
• 
  தெலுங்கில் லாபக் கணக்கை ஆரம்பித்த 'குபேரா'

• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு