Dinamalar

தமிழ் இயக்குனர் ஷங்கரை மீண்டும் விமர்சிக்கும் தெலுங்கு சினிமா

இந்தியத் திரையுலகம் என்பது மொழிவாரியாகவே இன்னும் பிரிந்து கிடக்கிறது. தமிழ் இயக்குனர்கள் தமிழைத் தவிர்த்து தெலுங்கு, மலையாளம், ஹிந்தி ஆகிய மொழிகளில் சென்று படங்களை இயக்கினால் அவர்கள் திரையுலக அரசியல், ரசிகர்களின் அரசியல், ஊடக அரசியல் ஆகியவற்றை சமாளிக்க வேண்டி இருக்கிறது.

தமிழ்த் திரையுலகம்தான் மற்ற மொழிகளிலிருந்து வரும் இயக்குனர்களையும், கலைஞர்களையும் சிவப்புக் கம்பளம் போட்டு வரவேற்கிறது. இதற்கு முன்பு அப்படி பலர் வந்து இங்கு குறிப்பிடும்படியான படங்களையும், வெற்றிகளையும் தந்துள்ளார்கள். அவர்களது படங்கள் தோல்வியடைந்தால் கூட இங்கு கடுமையான விமர்சனங்கள் எழுந்ததில்லை.

ஆனால், தமிழ் இயக்குனர்கள் மற்ற மொழிகளுக்குச் சென்று வெற்றி பெற்றால் கூட அந்த வெற்றி அந்தப் படத்தில் நடித்த அந்தந்த மொழி நடிகர்கள்தான் காரணம் என பேசுகிறார்கள். அதேசமயம் அந்தப் படங்கள் தோல்வியடைந்தால் அதற்கான காரணத்தை இயக்குனர்கள் மீது போட்டுவிடுகிறார்கள்.

தெலுங்கிற்குச் சென்று 'கேம் சேஞ்ஜர்' படத்தை இயக்கிய ஷங்கர் அந்தப் படத்தின் தோல்விக்குப் பிறகு தெலுங்கு ரசிகர்களால் கடுமையாக விமர்சிக்கப்பட்டு வருகிறார். படம் வெளியாகி இத்தனை மாதங்களாகியும் அவர் மீதான விமர்சனம் நிற்கவில்லை. இதற்கு முன் தொடர்ந்து வெற்றிப் படங்களைக் கொடுத்த இயக்குனர் ஷங்கர் கடைசியாக தமிழில் இயக்கிய 'இந்தியன் 2', தெலுங்கில் இயக்கிய 'கேம் சேஞ்ஜர்' என இரண்டு தோல்விப் படங்களைக் கொடுத்த காரணத்தால் இவ்வளவு விமர்சனத்துக்கு ஆளாகிறார்.

எந்த மொழியாக இருந்தாலும் சரி, சினிமாவில் வெற்றி பெற்றால் மட்டுமே புகழ்வார்கள் என கோலிவுட்டில் கிசுகிசுக்கிறார்கள்.

• 
  26 வருடங்களுக்குப் பிறகு மீண்டும் பிரியதர்ஷன் டைரக்ஷனில் நடிக்கும் தபு
• 
  பைரசியில் இருந்து அமீர்கான் படத்தை பாதுகாக்க சென்னை உயர்நீதிமன்றம் ...
• 
  சச்சினுடன் விரலால் கிரிக்கெட் விளையாடிய அமிதாப் பச்சன்
• 
  வித்யூத் ஜம்வால் நிர்வாண போஸ்
• 
  ஹிந்தியில் ஓப்பனிங்கிலேயே சரிவடைந்த பிரபாஸின் 'தி ராஜா சாப்' வசூல்!

• 
  'ஜனநாயகன், டாக்சிக்' : அடுத்தடுத்த சர்ச்சையில் தயாரிப்பு நிறுவனம்
• 
  அவதூறு பரப்பும் விஜய் ரசிகர்கள்! - சாடிய இயக்குனர் சுதா கொங்கரா
• 
  அல்லு அர்ஜூனின் 23வது படத்தை இயக்கும் லோகேஷ் கனகராஜ்; அறிவிப்பு வெளியானது
• 
  பராசக்தி என் நடிப்புக்கான முழுமையான அங்கீகாரத்தை கொடுத்து விட்டது! -ஸ்ரீ ...
• 
  தனுஷ் 54வது படத்தின் புதிய அப்டேட்: நாளை பொங்கல் தினத்தில் வெளியாகிறது!