Dinamalar

கமலை மலையாளத்தில் அறிமுகம் செய்த, 10 தேசிய விருதுகளை வென்ற இயக்குனர் கே.எஸ்.சேதுமாதவன் காலமானார்

மலையாள சினிமாவின் பிரபல இயக்குனர் கே.எஸ்.சேதுமாதவன் (90) சென்னையில் இன்று(டிச., 24) காலமானார். வயது மூப்பு காரணமாக பிரச்னையால் அவதிப்பட்டு வந்த அவரது உயிர் பிரிந்தது.

தமிழில் எம்.ஜி.ஆர் நடித்த ‛நாளை நமதே', சிவகுமாரின் ‛மறுபக்கம்', கமல்ஹாசனின் ‛நம்மவர்' போன்ற படங்களை இயக்கி உள்ளார் சேதுமாதவன். ‛‛ஓடயில் நின்னு, யாக்ஷி, கடல் பாலம், ஆரா நாழிக நேரம், அச்சனும் பாப்பாயும், ஒப்போல்'' உள்ளிட்ட மலையாளத்தில் ஏராளமான வெற்றி படங்களை கொடுத்துள்ளார். தெலுங்கு, ஹிந்தியிலும் படங்கள் இயக்கி உள்ளார். 60க்கும் மேற்பட்ட படங்களை இயக்கி உள்ள இவர் 4 முறை சிறந்த இயக்குனருக்கான விருது உட்பட இவரது படைப்புக்காக 10 தேசிய விருதுகளை வென்றுள்ளார். இதுதவிர பல்வேறு மாநில விருதுகளையும் பெற்றுள்ளார்.

நடிகர் கமல்ஹாசனை மலையாள சினிமாவில் அறிமுகம் செய்ததும் இவர் தான். மலையாளத்தில் 'ஜனசுந்தரி' என்ற படத்தில் குழந்தை நட்சத்திரமாகவும், 'கன்னியாகுமரி' என்ற படத்தில் நாயகனாகவும் நடிக்க வைத்தார். சென்னையில் குடும்பத்துடன் வசித்து வந்த சேதுமாதவன், வயது மூப்பு உள்ளிட்ட உடல்நல பிரச்னைகளால் அவதிப்பட்டு வந்தார். இந்நிலையில் இன்று அவர் மறைந்தார்.

சேதுமாதவன் மறைவுக்கு கமல்ஹாசன் உள்ளிட்ட பல்வேறு திரையுலகினர் இரங்கல் தெரிவித்துள்ளனர். கமல் வெளியிட்ட இரங்கல் செய்தி : ‛‛காலத்தால் அழியாத காவியங்களைத் திரையில் படைத்த கே.எஸ்.சேதுமாதவன் புதிய அலை சினிமாவின் ஊற்றுமுகம். மலையாள சினிமாவின் தரத்தைத் தீர்மானித்த அடிப்படை விசைகளுள் ஒருவர். தன் கலைச்சாதனைகளால் என்றென்றும் நினைவு கூறப்படுவார். என் சேது சாருக்கு, நல்ல சினிமாவை கற்பித்த ஆசிரியருக்கு அஞ்சலிகள்'' என தெரிவித்துள்ளார்.

• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது
• 
  டான் 3ம் பாகத்தில் இணைந்த கிர்த்தி சனோன்!

• 
  ‛கூலி' படத்திலிருந்து ‛மோனிகா' பாடல் வெளியீடு
• 
  கொடைக்கானல் மலை கிராமம் பின்னணியில் உருவாகும் 'கெவி'
• 
  மகிழ்ச்சியாக இருக்கிறேன், பேச்சு வரலை : விஜய்சேதுபதி மகன் உருக்கம்
• 
  காலில் செருப்பு அணியாமல் என்னை பக்குவப்படுத்திக் கொள்கிறேன் : விஜய் ...
• 
  ரஜினி ஒரு புத்திசாலி, கத்தியைப் போல கூர்மையானவர் : ஸ்ருதிஹாசன்