பாலகிருஷ்ணா ஜோடி - ஸ்ருதிஹாசன் போட்ட கண்டிஷன்கள்?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பாலகிருஷ்ணா ஜோடி - ஸ்ருதிஹாசன் போட்ட கண்டிஷன்கள்?

19 நவ, 2021 - 07:11 IST

எழுத்தின் அளவு:

சினிமாவில் தற்போது இருக்கும் சில மூத்த நடிகர்கள் 60 வயதைக் கடந்தவர்கள். ஆனால், அவர்கள் தங்கள் மகள் வயதுடைய நடிகைகளுடன்தான் ஜோடி சேர்ந்து நடிக்க விரும்புவார்கள். இது காலம் காலமாக தொடர்ந்து வருகிறது.

இந்திய மொழிகளில் உள்ள பல மொழி சினிமாக்கள் தற்போது யதார்த்த பாதையில் நடைபோட ஆரம்பித்துவிட்டது. ஆனாலும், சில ஹீரோக்கள் தொடர்ந்து இளம் வயது நடிகைகளுடன்தான் ஜோடி சேர்ந்து நடிக்க ஆசைப்படுகிறார்கள்.

தெலுங்கில் பாலகிருஷ்ணா நடிக்கும் 107வது படத்தில் ஸ்ருதிஹாசன் ஜோடியாக நடிக்கிறார். பாலகிருஷ்ணா 60 வயதைக் கடந்தவர், ஸ்ருதிஹாசன் 30 வயதைக் கடந்தவர். இருவரும் ஜோடி என்றதும் தெலுங்கு சினிமா உலகம் மட்டுமல்ல, தமிழ் சினிமாவும் அதிர்ச்சியடைந்தது.

இப்படத்திற்காக ஸ்ருதிஹாசன் 2 கோடி சம்பளம் கேட்டதும் தயாரிப்பு நிறுவனம் தர. சம்மதித்ததாம். அதனால்தான் ஸ்ருதியும் நடிக்கிறார் என்கிறார்கள். இப்படத்தின் இயக்குனர் கோபிசந்த் மல்லினேனி, ஸ்ருதியிடம் கெஞ்சி கேட்டதும் ஒரு காரணம் என்கிறார்கள்.

அதே சமயம் படத்தில் நடிக்க சில கண்டிஷன்களை ஸ்ருதிஹாசன் போட்டிருக்கிறாராம். படத்தில் தேவையில்லாத காதல் காட்சிகள் இருக்கக் கூடாது, அதிலும் நெருங்கிய காதல் காட்சிகள் இருக்கக் கூடாது. கட்டிப் பிடித்து நடிக்கும் காட்சி கூடாது, கட்டில் காட்சிகள் இருக்கக் கூடாது. தன்னுடைய கதாபாத்திரத்தை கண்ணியமாகக் காட்ட வேண்டும் என பல கண்டிஷன்கள் போட்டுள்ளாராம்.

படப்பிடிப்பு முடிவதற்குள் இயக்குனருக்குத்தான் நெருக்கடி அதிகம் இருக்கும் போலிருக்கிறது.

Shrutihaasan

கருத்துகள் (0) கருத்தைப் பதிவு செய்ய

50 கோடி வசூலித்த ரஜினிகாந்த் படங்கள், ...

மோகன்லால் படத்தை தமிழில் வெளியிடும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய