Dinamalar

பாலகிருஷ்ணா படத்தில் இருந்தும் வெளியேறிய ராம்-லட்சுமண்

தெலுங்கு சினிமாவில் மிக பிஸியான சண்டைப்பயிற்சி இயக்குனர்களாக வலம் வருபவர்கள் ராம், லட்சுமணன் செல்லா என்கிற இரட்டையர். தர்பார் படத்தில் கண்ணுல திமிரு பாடலுக்கு நடனமாடிக்கொண்டே ரஜினிகாந்த் சண்டையிடும் சண்டைக்காட்சியை வடிவமைத்தவர்கள் இவர்கள்தான். ராஜமவுலி இயக்கத்தில் உருவாகிவரும் ஆர்ஆர்ஆர் படத்தில் இருந்து சமீபத்தில் இவர்கள் வெளியேறிய நிலையில், தற்போது தெலுங்கில் பாலகிருஷ்ணா நடித்துவரும் அகண்டா என்கிற படத்தில் இருந்தும் இவர்கள் வெளியேறி உள்ளனர். பாலகிருஷ்ணாவின் படங்களுக்கு பில்டப்புடன் சண்டைக்காட்சிகளை அமைத்துக் கொடுத்தவர்கள் வெளியேறியது அவரது ரசிகர்களுக்கு அதிர்ச்சியை கொடுத்துள்ளது.

கொரோனா இரண்டாவது அலை காரணமாக தெலுங்கில் நிறுத்திவைக்கப்பட்டிருந்த பெரிய நடிகர்களின் படப்பிடிப்பு எல்லாம், ஒரே சமயத்தில் தற்போது துவங்கப்பட்டுள்ளன. இதனால், ஏற்கனவே ராம், லட்சுமணன் செல்லா இரட்டையர் மகேஷ்பாபு நடித்து வரும் சர்க்காரு வாரி பாட்டா மற்றும் சிரஞ்சீவியின் ஆச்சார்யா ஆகிய படங்களுக்கு பணி புரிவதற்காக தேதிகளை ஒதுக்கிக் கொடுத்து இருந்ததால் ஆர்ஆர்ஆர் மற்றும் அகண்டா ஆகிய படங்களில் இருந்து வேறுவழியின்றி தான் விலகியுள்ளனராம்.

• 
  மம்முட்டி தயாரித்துள்ள குறும்படத்தில் கதாநாயகியாக மஞ்சு வாரியர்
• 
  ஷாருக்கானின் 60வது பிறந்தநாளில் வெளியான கிங் படத்தின் டீசர்!
• 
  வாரிசு பட இயக்குனரின் அடுத்த படத்தில் நடந்த ட்விஸ்ட்!
• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு

• 
  தன்னுடைய பெயரில் ரசிகர் நடத்தும் ஹோட்டலுக்கு அனுமதி அளித்த சிரஞ்சீவி
• 
  பஸ் விபத்து எதிரொலி ; மீனாட்சி சவுத்ரி போஸ்டர் வெளியீட்டை தள்ளிவைத்த நாக ...
• 
  சீனியர் நடிகர் மதுவை நேரில் சென்று சந்தித்த மம்முட்டி
• 
  ரசிகர் கொலை வழக்கில் நவ-6ல் நடிகர் தர்ஷன் உள்ளிட்ட அனைவரிடமும் வீடியோ ...
• 
  கேரள மாநில திரைப்பட அகாடமி தலைவராக ரசூல் பூக்குட்டி தேர்வு