நடிப்பு தாகம் : மிரள வைக்கும் திலீப்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

நடிப்பு தாகம் : மிரள வைக்கும் திலீப்

18 ஏப், 2021 - 02:18 IST

எழுத்தின் அளவு:

மலையாள சினிமாவை பொருத்தவரை நடிகர் திலீப் மட்டும் வித்தியாசமான கதாபாத்திரங்களையும் விதவிதமான கெட்டப்புகளையும் விரும்பி தேர்ந்தெடுத்து நடித்து வருகிறார். ஏற்கனவே சாந்துப்பொட்டு, குஞ்சுக்கூனன், மாயமோகினி, கம்மர சம்பவம் என பலமுறை இப்படி பரிசோதனை முயற்சியில் இறங்கி வெற்றியும் பெற்றுள்ளார். தற்போது தனது நண்பர் நாதிர்ஷா டைரக்ஷனில் நடித்து வரும் கேசு இ வீட்டின் டே நாதன் என்கிற படத்தில், அரசு வேலையில் பணிபுரிந்து ஓய்வுபெற்ற ஒரு நடுத்தர வர்க்கத்து குடும்பத்தைச் சேர்ந்த 70 வயதான கிழவராக நடிக்கிறார் திலீப்.

ஏற்கனவே அந்த கதாபாத்திர கெட்டப்புகள் வெளியான நிலையில், தற்போது இந்தப்படத்தில் அவரது தோற்றம் குறித்து இன்னொரு போஸ்டர் வெளியாகியுள்ளது. தலையில் பாதிக்கு மேல் முடி இல்லாமல், துண்டு மட்டுமே கட்டிக்கொண்டு தொப்பை வயிற்றுடன், சோப்பு போட்டு குளிப்பது போன்று திலீப் காட்சி அளிப்பது ரசிகர்களை மிரள வைத்திருக்கிறது. வழக்கமான ஒரு கமர்ஷியல் ஹீரோவாக நடித்துவிட்டு போகாமல், நடிப்பின் மீது கொண்ட தணியாத தாகம் காரணமாகவே, இப்படி வித்தியாசமான முயற்சியில் அவர் இறங்கியுள்ளார் என ரசிகர்கள் பலரும் பாராட்டி வருகின்றனர்.

Dileep

கருத்துகள் (0) கருத்தைப் பதிவு செய்ய

தெலுங்கில் ரத்தாகும் ...

வயதுக்கேற்ற கதாபாத்திரங்களில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய