'ராயன்' படத்திற்கு முன்பு 'குபேரா' டீசர்' | கோடை விடுமுறை வெளியீடுகள் ஆரம்பம் : மே 3ல் 5 படங்கள் ரிலீஸ் | ஸ்ருதிஹாசனின் இரண்டாவது காதல் பிரிவு? - காரணம் என்ன? | மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் |
மலையாள சினிமாவில் இது வாரிசுகளின் வரவுக்காலம். மம்முட்டி மகன் துல்கர் சல்மான் வெற்றிகரமான இளம் ஹீரோவாக வலம் வருகிறார். படத்திற்கு படம் புதிய முயற்சிகளை செய்கிறார். தொடர்ந்து அவரது படம் வெற்றி அடைகிறது. அதுபோல சீனிவாசன் மகன் வினித் சீனிவாசன், மலர்வாடி ஆர்ட் கிளப், தட்டத்தின் மறையத்து, ஒரு வடக்கன் செல்பி, ஜேக்கப்பிண்ட சுவராஜ்யம் என வெற்றிப் படங்களை தந்து கொண்டிருக்கிறார். அடுத்து ஜெயராம் மகன் காளிதாஸ் தமிழில் மீன் குழம்பும் மண்பானையும் படத்தில் நடித்தார். ஒரு பக்க கதை படத்தில் நடித்து முடித்துள்ளார். இப்போது மலையாளப் படங்களில் நடிக்க தொடங்கியிருக்கிறார்.
இந்த வரிசையில் அடுத்து வருகிறார் மோகன்லால் மகன் பிரணவ். இவருக்கு நடிப்பை விட படம் இயக்குவதில் தான் ஆர்வம் அதிகமாக இருந்தது. இயக்குனர் ஜீத்து ஜோசப்பிடம் துணை இயக்குனராக பணியாற்றி வந்தார். பாபநாசம், லைப் ஆஃப் ஜோசுட்டி படங்களில் வேலை செய்தார். இப்போது நடிகராகி விட்டார். ஜீத்து ஜோசப் இயக்கும் ஆதி படத்தில் நடித்து வருகிறார்.
பிரணவுக்கு நடிப்பு புதிதில்லை ஓனம், புனர்ஜனை படங்களில் குழந்தை நட்சத்திரமாக நடித்துள்ளார். இதில் புனர்ஜனை படத்துக்காக சிறந்த குழந்தை நட்சத்திரத்திற்கான மாநில விருது பெற்றார். நடிகராக பிரணவ் ஜெயிப்பாரா அல்லது இயக்குனர் அவதாரம் எடுப்பாரா என்பதை ஆதியின் வெற்றி தீர்மானிக்கும்.