Dinamalar

மோகன்லால் படம் மூலம் இயக்குனராகிறார் பீட்டர் ஹெய்ன்..!

தென்னிந்திய சினிமாவில் மோஸ்ட் வான்டட் ஸ்டண்ட் மாஸ்டராக திகழ்பவர் பீட்டர் ஹெய்ன்.. ஷங்கரின் படங்களில் அவரது ஆஸ்தான ஸ்டண்ட் மாஸ்டராக பணியாற்றிவரும் இவர், ரசிகர்களால் ஆரவாரமாக வரவேற்கப்பட்ட 'பாகுபலி' படத்திலும் ஸ்டண்ட் மாஸ்டராக பணியாற்றி படத்தின் வெற்றியில் பெரிதும் துணை நின்றார்.. கடந்த வருடம் மலையாளத்தில் மோகன்லால் நடிப்பில் வெளியான 'புலி முருகன்' படத்தில் பிரமிக்க வைக்கும் விதமாக சண்டைக்காட்சிகளை வடிவமைத்த பீட்டர் ஹெய்ன், அதற்காக தேசிய விருதும் பெற்றார்..

இப்போது ஆச்சர்யமான இன்னொரு விஷயமாக மோகன்லால் நடிக்கும் படத்தை தான் இயக்கப்போவதாக கூறியுள்ளார் பீட்டர் ஹெய்ன்.. 'புலி முருகன்' படத்தில் பீட்டர் ஹெய்னின் கடின உழைப்பையும் வேகத்தையும் பார்த்து வியந்த மோகன்லால், தான் தற்போது நடித்து வரும் 'வில்லன்' படத்தில் ஏற்கனவே ஸ்டண்ட் சில்வா பணியாற்றினாலும் கூட, பீட்டர் ஹெய்னுக்கும் சில சண்டைகாட்சிகளை கொடுக்க செய்தார்.. அதுமட்டுமல்ல அடுத்ததாக ஸ்ரீகுமார் மேனன் இயக்கத்தில் மோகன்லால் நடிப்பில் பிளாக் மேஜிக்கை மையப்படுத்தி உருவாக இருக்கும் 'ஒடியன்' படத்திலும் பீட்டர் ஹெய்ன் தான் சண்டைக்காட்சிகளை வடிவமைக்கிறார்..

அதை தொடர்ந்து மோகன்லால் நடிப்பில் ஆயிரம் கோடி ரூபாய் பட்ஜெட்டில் உருவாகும் மகாபாரதம் படத்திற்கும் பீட்டர் ஹெய்ன் தான் மாஸ்டர்.. இப்படி கடந்த இரண்டு வருடங்களாக மோகன்லாலுடன் தொடர்ந்து பயணிக்கும் பீட்டர் ஹெய்ன் இந்த வயதிலும் மோகன்லால் ஆக்சன் காட்சிகளில் அசத்துவதை பார்த்து, அவருக்காகவே ஒரு ஆக்சன் கதையை தயார் செய்தாராம். அதை மோகன்லாலிடம் சொல்லி சம்மதமும் வாங்கிவிட்டாராம்.. அனேகமாக மகாபாரதம் படம் ஆரம்பிப்பதற்கு முன் மோகன்லாலை வைத்து பீட்டர் ஹெய்ன் இயக்கும் படம் துவங்கிவிடும் என தெரிகிறது.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த ...
• 
  ஹிந்திக்கு செல்லும் தில் ராஜூ!
• 
  சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல்
• 
  கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர்
• 
  மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட ...