மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
கிட்டத்தட்ட 20 வருடங்களுக்கு முன்.. அதாவது தெலுங்கு சினிமாவில் பவன் கல்யாண் அடியெடுத்து வைத்த சமயம்.. அவரது இரண்டாவது படத்தில் ஹீரோயினாக நடித்தவர் தான் நடிகை மந்த்ரா. இங்கே தமிழில் விஜய், அஜித் படங்களிலும் நடித்த இவருக்கு தெலுங்கு திரையுலகில் ராசி என்பது தான் பெயர். சமீபத்தில் பவன் கல்யாணை அவரது அலுவலகத்தில் வைத்து சந்தித்துள்ளார் மந்த்ரா. திடீரென இவர் பவன் கல்யாணை சந்தித்ததன் காரணம் பற்றி அவரே கூறியுள்ளார்.
தனது குழந்தையின் முதல் பிறந்தநாளை முன்னிட்டு பவன் கல்யாணை சந்திக்க வந்தாராம் மந்த்ரா. அவர் வந்துள்ள விஷயம் கேள்விப்பட்டு வாசலுக்கே வந்து உள்ளே அழைத்துசென்ற பவன் கல்யாண், குழந்தையை தனது மடியில் வைத்து விளையாடிபடியே சுமார் அரைமணி நேரம் மந்த்ராவுடன் பழைய விஷயங்கள், குடும்ப நிலவரங்கள் குறித்து பேசிக்கொண்டு இருந்தாராம்.
மந்த்ரா குழந்தையின் பிறந்தநாளை சாக்காக வைத்துக்கொண்டு பவன் கல்யாணை சந்திக்க வந்தாலும், அவர் வந்தது வேறொரு விஷயமாகவாம். மந்த்ரா தான் தற்போது தயாரித்து வரும் 'லங்கா' என்கிற படத்திற்கு பவன் கல்யாணின் ஆதரவை கேட்டு தான் வந்தாராம். நாளை (ஏப்-21) இந்தப்படம் ரிலீஸாகிறது. பவன் கல்யாண் தனக்கு ஆதரவு அளிப்பது தெரிந்தால் பணம் போட்ட பைனான்சியர்கள் சற்றே மரியாதையாக இன்னும் கொஞ்சநாள் காத்திருப்பார்கள் என்றும், படத்திற்கும் நல்ல பப்ளிசிட்டி கிடைக்கும் என்பதையெல்லாம் கருத்தில் கொண்டுதான் பவன் கல்யாணை சந்தித்தாராம் மந்த்ரா என்கிற ராசி.