Dinamalar

பிளாஷ்பேக் : மோகன்லாலை பாராட்டிய ஜெயலலிதா..!

சுமார் 20 வருடங்களுக்கு முன் மணிரத்னம் இயக்கத்தில் உருவான படம் தான் இருவர்.. டப்பிங் படங்கள் மூலமாக மட்டுமே தமிழ் ரசிகர்கள் கண்டுகளித்த மலையாள சூப்பர்ஸ்டார் மோகன்லாலை இந்தப்படத்தில் நடிக்க வைப்பதற்காக முதன்முதலாக தமிழுக்கு அழைத்து வந்தார் மணிரத்னம். மோகன்லாலை இந்தப்படத்தில் நடிக்க வைத்ததற்கு காரணம் இந்தப்படத்தின் கதை தான். தமிழகத்தின் முன்னாள் முதல்வர்களான எம்.ஜி.ஆர், கலைஞர், ஜெயலலிதா ஆகிய மூவரின் வாழ்க்கையில் நடைபெற்ற சம்பவங்களை மையமாக கொண்டு இந்தப்படம் உருவாக்கப்பட்டிருந்தது.

அரசியல் சம்பந்தப்பட்ட இந்தப்படத்தில் எம்.ஜி.ஆர் வேடத்தில் நடிக்க தமிழ் முன்னணி நடிகர்கள் பலரும் தயங்கினார்கள். அதனாலேயே எம்.ஜி.ஆர் வேடத்திற்கு மோகன்லாலை தேர்வுசெய்தார் மணிரத்னம். ஜெயலலிதா கேரக்டரில் ஐஸ்வர்யா ராயும், கலைஞர் கேரக்டரில் பிரகாஷ்ராஜும் நடித்திருந்தனர்.. படம் விமர்சன ரீதியாக பேசப்பட்ட அளவுக்கு, உலக திரைப்பட விழாக்களில் கலந்துகொண்ட அளவுக்கு, வசூல் ரீதியாக வெற்றி பெறவில்லை.. ஒரு நல்ல படத்தில் நடித்த திருப்தி இருந்தாலும், தமிழில் தான் நடித்த முதல் படம் வெற்றி பெறவில்லையே என்கிற வருத்தம் மோகன்லாலுக்கு நிறையவே இருந்ததாம்.

அந்த சமயத்தில் தான் இந்தப்படத்தை பார்த்துவிட்டு அதில் மோகன்லாலின் நடிப்பு சிறப்பாக இருந்ததாக அவரை தொலைபேசி மூலமாக அழைத்து பாராட்டினாராம் முன்னாள் முதல்வர் ஜெயலலிதா. படத்தில் இடம்பெற்ற ஒரு வாழும் கதாபாத்திரம், அதிலும் ஒரு மாநிலத்தின் முதல்வராகவும் இருந்த ஜெயலலிதா தன்னை பாராட்டியதால், படம் தோல்வியடைந்த வருத்தம் மோகன்லாலிடம் இருந்து நீங்கியதாம்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  பிரபாஸின் 'தி ராஜா சாப்' படத்தின் டிரைலர் இன்று வெளியாகவில்லை! வதந்தியை ...
• 
  வார் 2 படத்தால் நஷ்டமா... : தயாரிப்பாளர் விளக்கம்
• 
  விஜய் இதை பார்த்தால் நிச்சயம் ரசிப்பார் ; மோகன்லால் கொடுத்த கிரீன் ...
• 
  ஆந்திராவில் சினிமா தியேட்டர் டிக்கெட் கட்டணங்களில் மாற்றம்?
• 
  'ஆடு-3' படப்பிடிப்பில் நடிகர் விநாயகன் காயம் ; கொச்சி மருத்துவமனையில் ...