Dinamalar

'துருவா' டிரைலரின் தனிப் பெரும் சாதனை

தெலுங்குத் திரையுலகில் முதல் முறையாக ஒரு டிரைலர் நிகழ்த்தியுள்ள சாதனையாக ராம் சரண் நடித்துள்ள 'துருவா' பட டிரைலர் ஏற்படுத்தியுள்ளது. தமிழில் வெளிவந்து மிகப் பெரும் வெற்றியைப் பெற்ற 'தனி ஒருவன்' படத்தை தெலுங்கில் 'துருவா' என்ற பெயரில் எடுத்து முடித்துள்ளனர். ராம் சரண், ரகுல் ப்ரீத், அரவிந்த்சாமி மற்றும் பலர் நடித்துள்ள இந்தப் படத்தின் டிரைலர் நேற்று மாலை யு டியூபில் வெளியிடப்பட்டது. டிரைலர் வெளியான நான்கரை மணி நேரத்திற்குள்ளேயே 1 மில்லியன் பார்வைகளைப் பெற்று தனிப் பெரும் சாதனையைப் படைத்துள்ளது.

இதற்கு முன் என்டிஆர் நடித்து வெளிவந்த 'ஜன்தா காரேஜ்' படம் பத்தரை மணி நேரத்தில் படைத்த சாதனையை 'துருவா' முறியடித்துள்ளது. இன்று மாலை 5.30 மணி வரை 18 லட்சம் பார்வைகளைக் கடந்துள்ளது. தெலுங்குத் திரையுலகில் ஒரு படம் இந்த அளவிற்கு சாதனை புரிந்து வருவதை ராம்சரண் ரசிகர்கள் கொண்டாடி வருகிறார்கள். ஏற்கெனவே இந்தப் படத்தின் இசைக்கு மிகப் பெரும் வரவேற்பு கிடைத்துள்ளது.

'பாகுபலி' இயக்குனர் ராஜமௌலி இயக்கத்தில் ராம் சரண் நடித்து வெளிவந்த 'மகதீரா' படம்தான் தெலுங்கில் முதல் முறையாக மிகப் பெரும் வசூலைப் பெற்ற படமாக இருந்தது. அதன் பின்தான் மற்ற படங்கள் அந்த சாதனையை நோக்கியும், கடந்தும் பயணிக்க ஆரம்பித்தன.

இப்போது 'துருவா' படம் வெளிவந்தால் அது மீண்டும் ஒரு மிகப் பெரிய வசூல் சாதனையைப் புரியும் என தெலுங்குத் திரையுலகினர் எதிர்பார்ப்பில் உள்ளார்கள். டிசம்பர் மாதம் 'துருவா' படம் திரைக்கு வருகிறது.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த ...
• 
  ஹிந்திக்கு செல்லும் தில் ராஜூ!
• 
  சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல்
• 
  கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர்
• 
  மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட ...