பெண்களை அடிமைப்படுத்தும் 'பரதா': சர்ச்சையுடன் உருவாகும் புதிய படம் | இணையத்தில் கசிந்த 'ராமாயணம்' படப்பிடிப்பு காட்சிகள்: படக்குழு அதிர்ச்சி | புதிய அமைப்பு தொடங்கினார் ராகவா லாரன்ஸ் | அப்பாவாக நடிப்பது பெருமை: சமுத்திரகனி | அபிநந்தனாக நடிப்பதே கஷ்டமாக இருந்தது: பிரசன்னா | பார்த்தால் பசிதீரும், பத்ரி, வீரம் - ஞாயிறு திரைப்படங்கள் | சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... |
கடந்த வியாழன் அன்று நிவின்பாலி போலீஸ் அதிகாரியாக நடித்து மலையாளத்தில் வெளியான 'ஆக்சன் ஹீரோ பிஜூ' படத்திற்கு வரவேற்பு நன்றாக இருந்தாலும் நிவின்பாலிக்கென உள்ள ரசிகர்களிடம் இருதரப்பு விவாதங்களை ஏற்படுத்தியுள்ளது. வழக்கமான போலீஸ் படங்களை போல இல்லாமல் இதனை புதியபாணியில் எடுத்திருக்கிறார் இயக்குனர் அப்ரிட் ஷைன்.. போலீஸ் சப் இன்ஸ்பெக்டரான நிவின்பாலி தனது அதிகாரத்திற்கும் உடல் பலத்திற்கும் உட்பட்டு தன்னிடம் தினசரி வரும் வழக்குகளை எப்படி டீல் செய்கிறார் என்பதைகூட கொஞ்சம் விறுவிறுப்பாகத்தான் சொல்லியிருக்கிறார்.
தான் எதையும் வித்தியாசமாக செய்யக்கூடியவர் என்பதை தனது முதல் படமான '1983' படத்திலேயே காட்டியிருந்தார் அப்ரிட் ஷைன்.. கிரிக்கெட்டை மையப்படுத்திய அந்தப்படத்தில் ஹீரோ போராடி இந்திய அணியில் இடம்பெற்று ஜெயிப்பதுபோல வழக்கமான பாணியில் இல்லாமல் கிரிக்கெட் கனவுகளில் தோற்றுப்போன இளைஞன் ஒருவன், தனது மகனுக்கு சிறுவயதிலேயே கிரிக்கெட் ஆர்வம் இருப்பதை கண்டுபிடித்து அவன் எதிர்காலத்தை கிரிக்கெட்டை நோக்கி திருப்புவதை தனது லட்சியமாக கொள்கிறான் என்பதாக கதை சொல்லியிருந்தார் அப்ரிட் ஷைன்.. அதனால் தான் அந்தப்படத்திற்கு ஏகப்பட்ட வரவேற்பு கிடைத்து படமும் வெற்றி அடைந்தது.
அதேபோல இந்தப்படத்தில் நிவின்பாலி போலீஸ் அதிகாரியாக நடிக்கிறார் என்றதும் வழக்கமான மலையாள மசாலா பாணியிலான அதிரடி போலீஸ் படமாக இதுவும் இருக்கும் என ரசிகர்கள் எதிர்பார்க்க ஆரம்பித்து விட்டார்கள். இதை முன்கூட்டியே கணித்த இயக்குனர் அப்ரிட் ஷைன், படத்தை ஆரம்பித்த நாள் முதல் படம் ரிலீஸாவதற்கு முதல் நாள் வரை “இது நீங்கள் நினைக்கிற மாதிரி' மாஸ் போலீஸ் படம் இல்லை என்பதை தொடர்ந்து வலியுறுத்திக்கொண்டே இருந்தார். படமும் அந்த அளவுக்கு குறைசொல்லும்படியாக எல்லாம் இல்லை என சில ரசிகர்களும் வழக்கமான அதிரடி போலீஸ் பாணியில் படமாக்கி இருக்கலாமே என ஆதங்கத்தில் சில ரசிகர்களும் சொல்லி வருகிறார்கள். அவ்வளவுதான்.