Dinamalar

தலைமைக்கு போட்டியிடும் பெண் தயாரிப்பாளரின் வேட்பு மனு குறித்து முன்னாள் பார்ட்னர் எதிர் கருத்து

மலையாள திரையுலகில் தயாரிப்பாளர் சங்கத்திற்கு வரும் ஆக., 14ம் தேதி தேர்தல் நடைபெற இருக்கிறது. இதில் நடிகையும் தயாரிப்பாளருமான சான்ட்ரா தாமஸ் என்பவர் தலைவர் பதவிக்கு போட்டியிடுகிறார். இப்படி ஒரு பெண் தலைவர் பதவிக்கு போட்டியிடுவது இதுதான் முதல் முறை. ஆனால் அவரது வேட்பு மனுவை தேர்தல் நிர்வாக குழு நிராகரித்தது. இது குறித்து நீதிமன்றத்தில் வழக்கு தொடர்ந்தார் சான்ட்ரா தாமஸ். அவர் தனியாக இரண்டு படங்களை தயாரித்திருந்தாலும் ஏற்கனவே நடிகர் விஜய்பாபு என்பவருடன் இணைந்து ஏழு படங்களை இணை தயாரிப்பாளராக தயாரித்துள்ளார். ஆனால் அதை கணக்கில் கொள்ளாமல் அவர் வெறும் இரண்டு படங்கள் மட்டும்தான் தயாரித்திருக்கிறார். ஆனால் தேர்தலில் போட்டியிட மூன்று படங்களை தயாரித்திருக்க வேண்டும் என்பதை காரணம் காட்டி அவரது மனு நிகராகரிக்கப்பட்டுள்ளது.

இந்த நிலையில் அவருடன் இணைந்து படங்களை தயாரித்த தயாரிப்பாளர் விஜய்பாபு தனது முகநூல் பக்கத்தில் இது குறித்து கூறும்போது, “சான்ட்ரா தாமஸ் என்னுடைய நிறுவனத்தில் இருந்து அவருக்கு சேர வேண்டியதை எல்லாம் பெற்றுக் கொண்டு 2016லேயே விலகி விட்டார். அதனால் என்னுடன் இணைந்து தயாரித்த படங்களை அவர் கணக்கில் சேர்க்கக்கூடாது” என்று கூறியுள்ளார்.

அதேசமயம் திரையுலகை சேர்ந்த சிலர், அவர் எத்தனை படங்களை தயாரித்துள்ளார் என்பது தான் கேள்வியே தவிர, யாருடன் இணைந்து தயாரித்தார், எந்த வருட காலகட்டத்தில் தயாரித்தார், இப்போது அவருடன் சேர்ந்து இருக்கிறாரா, விலகி விட்டாரா என்பதெல்லாம் ஒரு கேள்வியே அல்ல.. அவர் கணக்குப்படி மொத்தம் 9 படங்களில் அவர் தயாரிப்பாளர் தான். அந்த வாதம் தான் நீதிமன்றத்திலும் செல்லும் என்கிறார்கள். தேர்தலுக்கு இன்னும் ஒரு நாளே இடையில் இருக்கும் நிலையில் சான்ட்ரா தாமஸ் தேர்தலில் போட்டியிடுவாரா இல்லையா என்பது குறித்து பரபரப்பு நீடித்து வருகிறது.

• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை
• 
  இயக்குனர் மீது 'கும்பமேளா' புகழ் மோனலிசா பாலியல் புகார்
• 
  ஆந்திர முதல்வர் சந்திரபாபு நாயுடு - நடிகர் சஞ்சய் தத் சந்திப்பு

• 
  'பெத்தி' படப்பிடிப்பில் ராம்சரணுக்கு கண்ணில் காயம் பட்டதா ? ...
• 
  26வது பிறந்தநாளை தந்தையுடன் கொண்டாடிய திலீப் மகள் ; தாயுடன் பத்து வருடமாக ...
• 
  பவன் கல்யாண் படங்களில் நடிக்க தடை கோரிய மனுவை தள்ளுபடி செய்த நீதிமன்றம்
• 
  ஒருவேளை ராம்சரண் படம் வெளியானால்.. ? தில் ராஜு போட்ட கண்டிஷன்
• 
  நிவின்பாலியின் படம் மறைந்த கேரள முதல்வர் பற்றியதா ? இயக்குனர் விளக்கம்