Dinamalar

காது கேளாதவர்களுக்கான மொழியில் இந்தியாவின் முதல் படமாக ஓடிடியில் வெளியாகும் டைகர் நாகேஸ்வர ராவ்

தெலுங்கு திரையுலகின் முன்னணி நடிகர்களில் குறிப்பிடத்தக்கவராக வலம் வருபவர் நடிகர் ரவிதேஜா. இவரின் நடிப்பில் கடந்த வருடம் டைகர் நாகேஸ்வர ராவ் என்கிற படம் வெளியானது. இந்த படத்தை இயக்குனர் வம்சி இலக்கி இருந்தார். கடந்த வருடம் நவம்பர் மாதம் இந்த படம் ஓடிடி தளத்திலும் வெளியானது. இந்த நிலையில் இந்த படம் 'இந்தியன் சைன் லாங்குவேஜ்' எனப்படும் காது கேளாதவர்களுக்கான இந்திய சிறப்பு மொழியில் ஓடிடி தளத்தில் வெளியாகி இருக்கிறது. இந்தியாவில் இப்படி இந்த சிறப்பு மொழியில் வெளியாகும் முதல் படம் இதுதான் என்பது குறிப்பிடத்தக்கது.

இது குறித்து தகவலை பகிர்ந்து கொண்டுள்ள படத்தின் தயாரிப்பாளர் அபிஷேக் அகர்வால், “இந்திய சினிமாவில் இது ஒரு புதிய அத்தியாயம். இது போன்று இன்னும் பல படங்களை வரும் காலத்தில் இந்த பிரத்யேக மொழியில் ரிலீஸ் செய்ய திட்டமிட்டுள்ளேன். ஓடிடியில் இப்படி வெளியாகும் முதல் படம் இது என்பதுடன் இந்திய ரசிகர்களுக்கு மட்டுமல்லாது உலக அளவில் இதுபோன்று குறைபாடு கொண்ட ரசிகர்களும் ஏற்றுக்கொள்ளும் விதமாக இதை உருவாக்கி இருக்கிறோம். இந்திய சினிமாவில் இது போன்ற ஒரு முக்கியமான மாற்றத்தை முதல் ஆளாக முன்னெடுப்பதில் பெருமைப்படுகிறோம்” என்று கூறியுள்ளார்.

• 
  ''மனைவியின் பேச்சை கேளுங்க'': கணவன்மார்களுக்கு அட்வைஸ் செய்த அபிஷேக் ...
• 
  நடிப்புக்கு முழுக்கா?: நடிகர் விக்ராந்த் மாஸே திடீர் 'பல்டி'
• 
  சைப் அலிகான் - நிகிதா தத்தா நடித்த ‛ஜூவல் தீப்' படப்பிடிப்பு நிறைவு
• 
  கடைசி நேரத்தில் சன்னி லியோன் வருகைக்கு தடை போட்ட போலீசார் ; ரசிகர்கள் ...
• 
  அபிஷேக் பச்சன் விஷயத்தில் ஐஸ்வர்யா ராய் ஏற்படுத்திய குழப்பம் ; ...

• 
  கமலுக்கான கதையை மோகன்லால் - மம்முட்டி படத்திற்கு பயன்படுத்தவில்லை : ...
• 
  போலீஸ் உடையில் நின்றிருந்த வில்லன் நடிகரால் விபத்தில் சிக்கிய இளைஞர்
• 
  கன்னட நடிகை ஷோபிதா மரணம்
• 
  ஆர்மி என்கிற பெயரை பயன்படுத்தியதால் அல்லு அர்ஜுன் மீது புகார்
• 
  'லூசிபர் 2 : எம்புரான்,' படப்பிடிப்பு நிறைவு: மாயாஜாலம் என மோகன்லால் ...