Dinamalar

ஆந்திர முதல்வர் சுயசரிதையை படமாக்கும் ராம்கோபால் வர்மா

பாலிவுட் இயக்குனர் ராம்கோபால் வர்மா ஹிந்தி மற்றும் தெலுங்கில் அதிரடி ஆக்சன் படங்களையும், குறிப்பாக அண்டர்வேர்ல்ட் தாதாக்கள் படங்களையும் படமாக்குவதில் வித்தகர். கடந்த சில வருடங்களாக அந்த பாதையில் இருந்து மாறி கவர்ச்சி படங்களையும், சிலர் வாழ்க்கையை பற்றி மட்டமாக சித்தரிக்கும் வகையில் சுயசரிதை படங்களையும் எடுத்து வருகிறார். அந்த வகையில் கடந்த இரண்டு வருடங்களுக்கு முன்பு தெலுங்கு முன்னணி நடிகர் பவன் கல்யாண் வாழ்க்கையை சித்தரிக்கும் விதமாக பவர்ஸ்டார் என்கிற பெயரில் படம் எடுத்து சர்ச்சையில் சிக்கினார்.

இந்த நிலையில் தற்போது ஆந்திர முதல்வர் ஓய்.எஸ்.ஆர் ஜெகன்மோகன் ரெட்டியின் வாழ்க்கையை மையப்படுத்தி வியூகம் என்கிற பெயரில் புதிய படத்தை இயக்கி வருகிறார் ராம்கோபால் வர்மா. இதில் ஜெகன்மோகன் ரெட்டியின் கதாபாத்திரத்தில் நடிகர் அஜ்மல் நடிக்கிறார். அவரது மனைவியாக நடிகை மானஸா ராதாகிருஷ்ணன் நடிக்கிறார்.

இது ஜெகன்மோகன் ரெட்டியின் வாழ்க்கை வரலாறு என்பதைவிட தனது தந்தையின் மறைவுக்குப் பிறகு ஆந்திர அரசியலில் ஜெகன்மோகன் ரெட்டி எதிர்கொண்ட சவால்களையும் சங்கடங்களையும் உண்மைக்கு பக்கத்தில் இருந்து சொல்லப் போவதாக கூறியுள்ளார் ராம் கோபால் வர்மா.

• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்

• 
  சென்சாருக்கு எதிராக மலையாள திரையுலகினர் நடத்திய நூதன போராட்டம்
• 
  நீ பிரச்னைக்குரியவன் அல்ல : வில்லன் நடிகருக்கு மம்முட்டி சொன்ன அட்வைஸ்
• 
  சுரேஷ்கோபி படத்துக்காக ஒரு ஊரே ஒரு வாரத்திற்கு திருவிழா கோலத்துக்கு ...
• 
  தக் லைப் நடிகருக்கு பதிலடி கொடுத்து வெளியிட்ட பதிவை நீக்கிய இயக்குனர்
• 
  சண்டை ஒரு பக்கம் இருந்தாலும் அண்ணனின் கண்ணப்பா படத்துக்கு தம்பி பாராட்டு