Dinamalar

மீண்டும் ஒரே நாளில் வெளியாகும் ராஷ்மிகா - மஞ்சு வாரியர் படங்கள்

சமீபத்தில் பொங்கல் வெளியீடாக கடந்த ஜன.,11ல் விஜய் நடித்த வாரிசு மற்றும் அஜித் நடித்த துணிவு ஆகிய படங்கள் ஒரே நாளில் வெளியாகின. இதில் வாரிசு படத்தில் ராஷ்மிகா கதாநாயகியாக நடித்திருந்தார். சுல்தான் படத்தை தொடர்ந்து தமிழில் இவர் நடித்துள்ள இரண்டாவது படம் இது. அதேப்போல துணிவு படத்தில் அஜித்துடன் இணைந்து மஞ்சு வாரியர் நடித்திருந்தார். அசுரன் படத்தை தொடர்ந்து அவருக்கும் தமிழில் இது இரண்டாவது படம். இந்த இரண்டு படங்களுமே ஒரே நாளில் வெளியாகி இருவருக்கும் மிகப்பெரிய வரவேற்பை பெற்றுத் தந்துள்ளன.

இந்த நிலையில் இந்த படங்கள் வெளியாகி சரியாக 8 நாள் கழித்து அதாவது வரும் ஜன.,20ம் தேதி இந்த இருவரும் நடித்துள்ள படங்கள் மீண்டும் ஒரே தேதியில் வெளியாகும் இன்னொரு ஆச்சரியம் நிகழப்போகிறது. ராஷ்மிகா முதன்முதலாக பாலிவுட்டில் அடியெடுத்து வைத்த படமான மிஷன் மஞ்சு மற்றும் மலையாளத்தில் மஞ்சு வாரியர் நடித்துள்ள ஆயிஷா ஆகிய இரண்டு படங்களும் தான் ஜன-20ல் வெளியாகின்றன. இதில் மிஷன் மஞ்சு திரைப்படம் நேரடியாக ஓடிடி தளத்திலேயே வெளியாகிறது. மஞ்சு வாரியரின் ஆயிஷா தியேட்டர்களில் வெளியாகிறது.

ராஷ்மிகா நடிப்பில் கடந்த சில மாதங்களுக்கு முன்பு பாலிவுட்டில் அமிதாப்பச்சனுடன் இணைந்து நடித்த குட்பை திரைப்படம் வெளியாகி ரசிகர்களிடம் வரவேற்பை பெற தவறியது அதேசமயம் அவர் பாலிவுட்டில் முதன்முதலாக நடிக்க ஆரம்பித்த மிஷன் மஞ்சு படத்தை ஆர்வமாக எதிர்பார்த்த நிலையில் தற்போது அந்தப்படம் நேரடியாக ஓடிடியில் வெளியாவதால் இந்த படத்திலும் ராஷ்மிகா கவனிக்கப்படுவாரா என்பது ரிலீஸுக்கு பின்னால் தான் தெரிய வரும்.

• 
  கும்பமேளாவில் துறவறம் பூண்டார் நடிகை மம்தா குல்கர்னி
• 
  கும்பமேளாவில் பாசி மணி ஊசி விற்றவர் : சினிமா நடிகை ஆகிறார் மோனலிசா
• 
  15 ஆயிரம் கோடி குடும்ப சொத்தை இழக்கிறார் சைப் அலிகான்
• 
  எப்போதுமே டிவி சீரியல்களில் நடிக்க மாட்டேன்: நடிகை சுமன் ராணா ...
• 
  உயிரை காத்த ஆட்டோ ஓட்டுநரை சந்தித்து கவுரவித்த சைப் அலிகான்

• 
  பெண் தயாரிப்பாளர் புகார் : உன்னி கிருஷ்ணன் மீது வழக்கு
• 
  தர்ஷனுக்கு ஆதரவாக உச்சநீதிமன்றம் உத்தரவு
• 
  அரசு விருதை நிராகரித்த சுதீப் : தகுதியானவர்களுக்கு வழங்க கோரிக்கை
• 
  லூசிபர் 2ம் பாகத்தின் டீசர் அப்டேட்
• 
  காசோலை மோசடி : ராம் கோபால் வர்மாவுக்கு 3 மாதம் சிறை தண்டனை